Өглөө 09:00 цагаас зөөврийн саналын хайрцаг ажиллаж эхэллээ

717

 

Өнөөдрөөс эхлэн саналыг зөөврийн хайрцгаар иргэдээс санал авч эхэлнэ. Сонгуулийн тухай хуульд зөөврийн хайрцгаар санал өгөх иргэдийн саналыг түүний хүсэлт, эмнэлгийн магадлагаа, эсхүл холбогдох байгууллагын тодорхойлолтыг үндэслэн зөөврийн битүүмжилсэн саналын хайрцгаар дамжуулан өнөөдөр 09.00-20.00 цагийн хооронд авна гэж заасан байдаг аж.

 

Хэрвээ иргэдийн санал авахдаа  Сонгуулийн тухай хууль зөчрсөн тохиолдолд хөдөлмөрийн хөлсний доод хэмжээг 6-8 дахин нэмэгдүүлсэнтэй тэнцэх буюу 1.1-1.5 сая төгрөгөөр торгоно гэж заасан байдаг юм байна.

 

Тухайн зөөврийн саналын хайрцагт саналаа өгөх иргэд нь эрүүл мэндийн шалтгааны улмаас болон, дайчлагдсан, саатуулагдсан, баривчлагдсан иргэдийн саналыг өнөөдөр зөөврийн хайрцгаар авч битүүмжилнэ гэсэн үг. Ийнхүү санал авахдаа зөөврийн битүүмжилсэн саналын хайрцгаар санал өгөх сонгогчийн хүсэлт, магадлагаа, тодорхойлолтыг хүлээн авч, тухайн хэсгийн сонгогч мөн эсэхийг шалгаж зөөврийн битүүмжилсэн саналын хайрцгаар санал өгөх сонгогчдын нэрсийг гаргаж, тэдгээрээс санал авах чиглэл, хуваарийг гаргана. Үүний дараа зөөврийн битүүмжилсэн саналын хайрцгаар санал өгөх сонгогчийн саналыг тухайн санал авах байрын хоёроос доошгүй төлөөлөл гишүүн оршин байгаа газарт нь очиж авах юм. Мөн зөөврийн битүүмжилсэн саналын хайрцгаар санал өгөх сонгогчдын нэрийн жагсаалтад ороогүй сонгогчийн саналыг зөөврийн битүүмжилсэн саналын хайрцгаар авах, сонгогчийн сонголтод нөлөөлөхийг хориглох юм. Мөн зөөврийн битүүмжилсэн саналын хайрцгаар санал авч байгаа газар тухайн иргэний орон байр бол тухайн иргэний гэр бүлийн гишүүн, эмнэлэг болон түүнтэй адилтгах байгууллага бол хүнд өвчтөн, ажиглагч байхыг хүлээн зөвшөөрөх юм байна.




ЧОЙ


Санал болгох

Сэтгэгдэл

АНХААРУУЛГА: Уншигчдын бичсэн сэтгэгдэлд www.ENE.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Сэтгэгдэлтэй холбоотой санал гомдлыг 9318-5050 утсаар хүлээн авна.