Гишүүн А.Сүхбат нэлээд бухимджээ
УИХ-ын гишүүн А.Сүхбат нэлээд бухимджээ. Тэрбээр Өчигдөр болсон Байгаль орчин, хүнс хөдөө аж ахуйн байнгын хорооны хуралдаанд оролцохдоо уул уурхайн бизнес эрхэлдэг хүнийг тус байнгын хорооны даргаар сонгох гэлээ гэж бухимдаж суусан. Тэгвэл аварга маань Засгийн газрын шинэ гишүүдийн нэрсийг дуулаад л нүдээ олсонгүй гэж бухимдаж байна. А.Сүхбат : "МАН анхны ялагдлыг хүлээлээ. Сайд нарын нэр дэвшүүлэлттэй холбоотойгоор гадуур юу болж, шуугиж байгааг та бүхэн анзаарсан уу. Мэргэжлийн Засгийн газар байгуулах амлалт юу болчих нь энэ вэ. Төрийн албанд нэг ч хоног ажиллаж үзээгүй хүнийг сайдад нэр дэвшүүллээ. Ингэснээрээ олон түмний итгэлийг алдлаа. Мэргэжлийн хүнийг сонголдоо. Салхи ч байхгүй, шинэчлэл ч байхгүй сонголт хийснээрээ анхны ялагдал болж байна” хэмээн хэлсэн байна.
