|
Видео

Шинэ мэдээ

Монголбанкны Тэргүүн дэд ерөнхийлөгчөөр О.Эрдэмбилэг томиллоо

 Монголбанкны Тэргүүн дэд ерөнхийлөгчөөр О.Эрдэмбилэг  томиллоо

 

УИХ-ын чуулганы нэгдсэн хуралдаанаар Монголбанкны Тэргүүн дэд ерөнхийлөгчөөр Очирхүүгийн Эрдэмбилэгийг томилуулах саналыг хэлэлцэж, дэмжлээ. 

О.Эрдэмбилэг нь 1976 онд Улаанбаатар хотод төрсөн. 1994-1998 онд МУИС-ийг эдийн засаг, санхүүч мэргэжлээр төгсөж, улмаар 2000-2002 онд Австралийн Улсын их сургуульд хөгжлийн эдийн засгийн мастер хамгаалжээ.

Тэрбээр 1998-2007 онд Сангийн яаманд газар, хэлтсийн дарга, мэргэжилтэн, 2004-2005 онд МУИС-д багш, 2007-2013 онд Олон улсын валютын санд улс хариуцсан эдийн засагч, ахлах эдийн засагч, 2013-2014 онд "Ньюком” группэд зөвлөх, 2014 оноос "Голомт” банкны Тэргүүн дэд захирал, ТУЗ-ийн даргын зөвлөхөөр тус тус ажиллаж иржээ.

Нэр дэвшигчтэй холбогдуулан Ж.Энхбаяр,Т.Аюурсайхан зэрэг гишүүд мөнгөний бодлого, зээл, хуримтлал, валютын нөөц зэргээр асуулт асууж, байр сууриа илэрхийлсний дараа санал хураалт явуулахад хуралдаанд оролцсон гишүүдийн олонхи дэмжиж О.Эрдэмбилэгийг Монголбанкны Тэргүүн дэд ерөнхийлөгчөөр томиллоо. 

Сэтгэгдэл

АНХААРУУЛГА: Уншигчдын бичсэн сэтгэгдэлд www.ENE.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Сэтгэгдэлтэй холбоотой санал гомдлыг 9318-5050 утсаар хүлээн авна.