Дөрвөн настай хүүгийн аминд хүрсэн нохойн эзэн давж заалдахаар болжээ
Дөрвөн настай бяцхан хүү Дундад Ази үүлдрийн нохойд хазуулж, амиа алдсан харамсалтай хэрэг энэ оны гуравдугаар сарын 16-ны өдөр гарсан. Энэ хэрэгт холбогдуулан нохойн эзэн Б-г Сонгинохайрхан дүүргийн Эрүүгийн хэргийн анхан шатны шүүхээс Эрүүгийн хуулийн 201.2-т заасан хэрэгт буруутган 2.6 жилийн ял оногдуулсан байдаг.
Мөн хүүгийн аминд хүрсэн Дундад Ази үүлдрийн нохойг устгах шийдвэр гаргасан билээ. Тэгвэл нохойн эзэн Б шүүхийн шийдвэрт гомдолтой байгаагаа илэрхийлж, Нийслэлийн эрүүгийн хэргийн давж заалдах шатны шүүхэд ханджээ.
