Баян-Өндөр суманд хүчтэй аадрын улмаас 57 айл үерт автжээ
Төв аймгийн Баян-Өндөр сумын нутагт өчигдөр хүчтэй аадар бороо оржээ. Бороо 30 орчим минут үргэлжилсэн бөгөөд тус сумын Их залуу багийн 18,19-р гудамжны үерийн хамгаалалтын шуудуу сэтэрч нийт 57 айлын хашаа усанд автсан байна.
Мөн 10 айлын байшин, гурван айлын гэр үерт автаж Онцгой байдлын алба хаагчид усыг соруулан, иргэдийн аюулгүй байдлыг хангажээ. Түүнчлэн сэтэрсэн хоёр газрыг засварласан байна.
