Олон улсын банк санхүүгийн төлөөлөлтэй хотын мэр уулзав
"GE Capital” группыг үүсгэн байгуулагч Ким Тэннер "Улаанбаатар хоттой хамтран ажиллах гэж байгаадаа таатай байна. Юуны түрүүнд танай хоттой сайтар танилцаж, ямар салбарт хөрөнгө оруулалт хийх талаар зөвлөлдөх хэрэгтэй” гэв.
Нийслэлийн Засаг дарга бөгөөд Улаанбаатар хотын Захирагч С.Батболд "Юуны өмнө Улаанбаатар хотыг зорин ирсэнд талархалаа илэрхийлье. Монгол Улсын эдийн засгийн нөхцөл байдал хүнд байгаа энэ үед цагаа олж уулзаж байгаадаа баяртай байна. Хөрөнгө оруулалт дутаж байгаа салбарын талаар судалж, Улаанбаатар хотод гадаадын хөрөнгө оруулалтыг татахад хамтран ажиллах хүсэлтэй байна” гэлээ.
