Нийслэлд найман цэцэрлэг шинээр нэмэгдлээ
Сургуулийн өмнөх боловсролын хүртээмж, хамран сургалтыг нэмэгдүүлэх зорилгоор нийслэлийн нутаг дэвсгэрт шинээр баригдсан найман цэцэрлэгт улсын дугаар олгож, сургалтын үйл ажиллагаа эрхлэх тусгай зөвшөөрөл олголоо. Түүнчлэн эдгээр цэцэрлэгүүдийн барилгыг нийслэлийн өмчид бүртгэх ажлыг Нийслэлийн боловсролын газраас эхлүүлээд байна. Энэ онд нийслэлийн Баянгол, Хан-Уул, Багануур , Сонгинохайрхан, Чингэлтэй дүүргүүдэд найман цэцэрлэг шинээр нээгдэж нийт 1270 хүүхдийг цэцэрлэгт хамруулах боломжтой болж байна.
