Саудын Араб газрын тосны үнийг хамтран зохицуулна гэв
ОПЕК-ийн гол гишүүн олборлолтоо өнгөрсөн сард үнэмлэхүй өсгөсөн хэдий ч газрын тосны зах зээлийг тогтворжуулахад нэгдэхэд бэлэн хэмээн Саудын Арабын Эрчим хүчний сайд Халид аль-Фалих мэдэгдлээ. Сайдын мэдэгдэл Brent маркийн газрын тосыг баррель нь 46 ам.доллар хүртэл өсөх шалтгаан боллоо. "Зах зээлийг тэнцвэржүүлэх арга хэмжээ авах шаардлагатай тохиолдолд Саудын Араб нь ОПЕК-ийн гишүүн болон гишүүн бус гол экспортлогчидтой хамтран ажиллахад бэлэн” хэмээн ноён Фалих өгүүлэв.