Элэгний өвчнийг эмчлэх эмийн зардлыг танахгүй

1049

 

Шинэ Засгийн газар төсвийн асуудал хүнд байгаатай холбогдуулан цалин, халамжийн зардлыг танаж байгаа. Гэхдээ элэгний вирусын эсрэгэм худалдаж авахад үзүүлэх хөнгөлөлтийг танахгүйгээр 23.4 тэрбум төгрөгийг ЭМДС-ийн төсвөөс зарцуулахаар болжээ.

 

Энэ тухай төсвийн төсөлд:

"Хавдар судлалын үндэсний төвийн мэдээлснээр Монгол Улсад элэгний вирусийн өвчлөл сүүлийн жилүүдэд ихсэх хандлагатай, вирусийн тархалт өндөр, энэ төрлийн халдварын улмаас нийт хорт хавдрын 39 хувь нь хамаарч байгаа болнийт нас баралтын 22 хувь нь хорт хавдрын шалтгаант нас баралт эзэлж байна.Элэгний С вирусийг бүрэн устгах боломжтой эм бүтээгдэж, олон улсын зах зээлд нийлүүлэгдэж эхэлсэн бөгөөд энэ төрлийн эмийн үнэ нь 2016 оны тавдугаарсарын байдлаар 1 курс эмчилгээнд сард 250-400 америк долларын үнэтэй, уг эмчилгээ нь гурвансар үргэлжлэхээр байгаа нь иргэдэд санхүүгийн ачаалал үүсгэж байна.

Иймд нийгэмд тулгамдсан элэгний вирусийн халдварын тархалтыг зогсоох, энэ төрлийн өвчнийг эмчлэхэд дэмжлэг үзүүлэх, иргэдийн санхүүгийн ачааллыг бууруулах зорилгоор Эрүүл мэндийн даатгалын сангаас 40 хувийн хөнгөлөлт үзүүлэхээр тооцож, 2016 онд 25-30 мянган иргэн эмчилгээнд хамрагдахаар төсөөлж нийт 23.4 тэрбум төгрөг ЭМДС-ийн төсвөөс зарцуулахаар тодотголд тусгав” хэмээжээ.

 

Санал болгох

Сэтгэгдэл

АНХААРУУЛГА: Уншигчдын бичсэн сэтгэгдэлд www.ENE.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Сэтгэгдэлтэй холбоотой санал гомдлыг 9318-5050 утсаар хүлээн авна.
>