Италийн Ювентус клубын 25 настай Франц довтлогч С.Заза Английн Вест Хэм Юнайтед багтай нэгдэж магадгүй талаар түүний эцэг нь ярьжээ. С.Заза 2015 онд Италийн Сассуоло клубээс Ювентус клубт ирж байсан ч өнгөрсөн улиралд 19 тоглолтонд оролцохдоо ердөө 5 гоол оруулсан.

• Английн Манчестер Юнайтед клуб Саутхэмптон клубээс Португал хамгаалагч Ж.Понтег авчирах сонирхолтой байна. 32 настай Португал төвийн хамгаалагч Ж.Понте 2010 оноос хойш Саутхэмптон клубт тоглож байгаа бөгөөд сарын өмнө Португалын шигшээ багийнхаа хамтаар Европын АШТ-нд түрүүлсэн.
• Английн Челси клуб Италийн АС Милан клубын 21 настай Итали хамгаалагч А.Романьолиг 30 сая фаунтаар авах хүсэлтэй байгаа ажээ. Италийн нас насны шигшээ багт тоглосон А.Романьоли өнгөрсөн улиралд АС Милан клубын төлөө 34 тоглолтонд оролцжээ.
• Германы Вольфсбург клубын Бразил хамгаалагч Данте Францын лигийн Ницца багт ирлээ. Тэрбээр өөрийн хуучин дасгалжуулагч Л.Фавре Ницца багийн дасгалжуулагчаар томилогдоод удаагүй байгаа бөгөөд Данте багтаа авчираад байна. Данте өмнө нь Боруссиа Мюнхенгладбах клубт Л.Фаврегийн удирдлага дор тоглож байжээ.
• Английн Тоттенхэм Хотспур клуб жигүүрийн тоглогч Э.Ламелатай гэрээгээ сунгах талаар тохиролцоонд хүрч байгаа ажээ. 24 настай Аргентин залуу 2013 онд Италийн Рома клубээс 25.8 сая фаунтаар ирж байжээ.
• Английн Манчестер Сити клубын дасгалжуулагчаар ажиллаж буй Испани дасгалжуулагч П.Гуардиола дасгалжуулагчийн карьераа эхлүүлж байсан Барселона клубээс Чили хаалгач К.Браво багтаа авчирч байна. К.Браво ирэх Пүрэв гарагт Англид ирж магадгүй байгаа ажээ. Ингэснээр Англи хаалгач Ж.Хартын клуб дэх байр суурь эргэлзээтэй болж байна.