Түлшний үнийг нэмэхгүй бол төсвийн халамжийн зардлууд дутагдана гэв

124

Импортлогчид үгсэн нийлж, зохиомол хомсдол үүсгэсний дараа засаг хуралдаад АИ 92, АИ 80 бензиний онцгой албан татварыг цуцлах шийдвэрийг гаргасан билээ. Тэгснээр импортлогчдын эсэргүүцэл хэсэгтээ дарагдах нь гэж харагдаж байв. Тэгвэл ШТС-ууд өнгөрсөн өдрүүдэд түлшний үнээ нэмчихэв. Сар шинийн өмнө, иргэдэд олон янзын  л ачаалал ирдэг.

Нэмэгдээд түлшний үнэ нэмэгдсэн нь дарамт үүсгэж байгаад эргэлзэх хэрэггүй. Тэгвэл өнөөдөр Уул уурхай хүнд үйлдвэрийн яамнаас хэвлэлийнхэнд мэдээлэл хийж шатахууны үнийн асуудлаар байр сууриа илэрхийлэв. УУХҮЯ-ны Түлшний бодлогын газрын дарга Ч.Чулуунбат хэлэхдээ "Өнгөрсөн оноос хойш газрын тосны үнэ тасралтгүй өсөж ирлээ. Одоо аажмаар буурч байна. Мөн ам.долларын ханш төгрөгийн эсрэг сулрах чиг хандлага ажиглагдаж байна. Цаашид жижиглэн борлуулах үнийг тогтвортой барих бодлогыг төрөөс барина. Нөөц, хангамж таслалдахгүй” гэсэн.

За харин АМГТГ-ын орлогч дарга Л.Раднаасүрэн "Татвар тэглэсэн нь тухайн үед компаниуд дээр хуримтлагдсан алдагдлын 60 орчим хувийг хаасан. Үлдсэн хувийг нь хаах гэж үнээ нэмж болохгүй гэсэн чиглэл барьж байсан.  2 дугаар сард хилийн үнэ ирсэн. Зах зээл дээрх нефтийн үнэ нэмэгдсэнээс болж  литр тутамд дахиад  60 төгрөг нэмэгдэхээр байсан.

Цаашид огцом үнийн савлагаа үүсэхээс сэргийлж үнээ 20-30 төгрөгөөр нэмсэн. Компаниуд тухайн үедээ бидэнд мэдэгдсэн. Шатахууны татварыг тэглэснээр төсвөөс 60 тэрбум төгрөг дутаж байгаа. Тэтгэвэр нэмэхэд Засгийн газраас энэ хэмжээний мөнгө төсвөөс гаргасан. Компаниудын татварыг хөнгөлөөд үнийг нэмүүлэхгүй байвал төсвийн халамжийн зардлууд дутагдах магадлалтай” гэлээ.

Тэгэхээр татвараа хөнгөлүүлсэн компаниуд түлшний үнийг нэмсэн нь төсвийн халамжийн зардлыг бүрдүүлэхэд нөлөөтэй гэсэн тайлбарыг албаны хүн хэлж сууна.

 http://www.hunnu.mn/a/88992

Санал болгох

Сэтгэгдэл

АНХААРУУЛГА: Уншигчдын бичсэн сэтгэгдэлд www.ENE.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Сэтгэгдэлтэй холбоотой санал гомдлыг 9318-5050 утсаар хүлээн авна.