МАН-ынхан намын байраа гороолох болжээ

884
МАН-ынхан намын байраа гороолох болжээМАН-ын Тусгаар тогтнолын ордон ойрдоо хөл ихтэй байх болжээ. Намын дарга асан, экс Ерөнхий сайд С.Баяр тойрон хүрээлэгчдийн хамт орой, үдшийн цагаар үзэгдэх  болжээ. Мөн экс Ерөнхий нарийн бичгийн  дарга, УИХ-ын гишүүн асан У.Хүрэлсүх ч би яаж дутах вэ гэсэн шиг "Зүүний хүчний холбоо”-ны залуусын хамт сүр бараа ихтэй нь аргагүй морилох болсон байна.

Эрчүүдтэй эн зэрэгцэн  Нийгмийг ардчилах  Монголын эмэгтэйчүүдийн холбооны  тэргүүн Ц.Цогзолмаа, дэд тэргүүн Б.Ундармаа тэргүүтэй эмэгтэйчүүд мөчөөгөө өгөхгүйн тулд Тусгаар тогтнолын ордондоо тухлах болжээ. Ерөнхий сайдыг шинээр томилох, дахин Засгийн газар байгуулах асуудал гадаадад гарсан, Монголд байгаа ч хаана яваа мэдэгдэхгүй сураг алдарсан болон намын байрандаа нам жим суусан олон хүнийг ийнхүү хөдөлгөөнд оруулжээ. 
 
Зууны мэдээ
Л.Бэх

Санал болгох

Сэтгэгдэл

АНХААРУУЛГА: Уншигчдын бичсэн сэтгэгдэлд www.ENE.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Сэтгэгдэлтэй холбоотой санал гомдлыг 9318-5050 утсаар хүлээн авна.
>