Гэр хорооллын айлууд үерт автаж байна

1450

Нийслэл хотод өчигдөр орой/07.06/-ноос орсон их хэмжээний борооны улмаас усанд автсан тухай 23 удаагийн дуудлага нийслэлийн Онцгой байдлын газрын аврах анги, харьяа дүүргүүдийн Онцгой байдлын хэлтэст ирж, аврагч, гал сөнөөгчид усыг соруулан шуурхай ажиллаж аюулгүй байдлыг хангаж ажиллажээ.

Тухайлбал, Сонгинохайрхан дүүргийн 26 дугаар хороо, Баянбулагийн IV гудамжинд айлын гэр усанд автсан, тус дүүргийн VII хороо, Далангийн гудамжинд байшин усанд автсан байна.

Мөн энэ сарын 9-12-ны өдрүүдэд нийслэлд түр зуурын дуу цахилгаантай бороо орох тул иргэд, олон нийтийг гэр орон сууцны үер усны аюулгүй байдлаа сайтар хангаж, бага насны хүүхэд, өндөр настан, хөгжлийн бэрхшээлтэй иргэдийг хараа хяналттай байлгахыг Нийслэлийн онцгой байдлын газраас анхааруулж байна.

Я.Баяр

Эх сурвалж: "Монцамэ" агентлаг

Санал болгох

Сэтгэгдэл

АНХААРУУЛГА: Уншигчдын бичсэн сэтгэгдэлд www.ENE.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Сэтгэгдэлтэй холбоотой санал гомдлыг 9318-5050 утсаар хүлээн авна.