”Дайчин сүх” компанид түр зөвшөөрөл олгосон байсан ч цуцаллаа

1038

Сүхбаатар аймгаас Улаанбаатар хот руу зорчигч тээвэрлэж явсан "Дайчин сүх” компанийн 05-22 СҮА улсын дугаартай том оврын автобус өнгөрсөн зургаадугаар сард онхолдсон. Зургаан хүний аминд хүрч, 20 гаруй хүнийг гэмтээсэн уг ослын дараа "Дайчин сүх” компанийн үйл ажиллагааг түр зогсоож, Авто тээврийн үндэсний төв, "Дайчин сүх” ХХК, Сүхбаатар аймгийн Тээвэр, авто замын газар хоорондын гурвалсан гэрээг түдгэлзүүлсэн юм. 

Тус компани Баруун-Урт-Улаанбаатар чиглэлд 10 автобусаар үйлчилдэг байв. Харин Авто тээврийн үндэсний төвөөс "Дайчин сүх” компанид түр зөвшөөрөл олгосноор өнгөрсөн долоо хоногт гурван автобусаар Улаанбаатараас Баруун-Урт руу зорчигч тээвэрлэжээ. Гэвч Сүхбаатар аймгийн Тээвэр, авто замын газар энэ талаар аймгийнхаа удирдлагад танилцуулаад, шүүхийн шийдвэр гартал тус компанийн зорчигч тээвэрлэх эрхийг сэргээхгүй байхаар болжээ.

Санал болгох

Сэтгэгдэл

АНХААРУУЛГА: Уншигчдын бичсэн сэтгэгдэлд www.ENE.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Сэтгэгдэлтэй холбоотой санал гомдлыг 9318-5050 утсаар хүлээн авна.
>