Брисбенд байгалийн аюулт үзэгдэл болов
Их 20-ийн уулзалтыг амжилттай зохион байгуулсан Австралийн Брисбен хотод
сүүлийн 30 жилд гараагүй хүчтэй шуурга болжээ. Байшин, барилгын
дээврийг хуу татсан хүчтэй шуурганаар олон зуун цахилгааны шон унаснаас
Брисбен хотын 90 мянган өрх цахилгаангүй болсон байна. Салхины хурд
140км/цаг байсан гэнэ. Түүнчлэн аадар борооны улмаас хотын гудамжууд
усанд автсан байна. Аадар бороо, хүчтэй шуурганы үеэр 12 хүн гэмтэж
бэртжээ.
Гамшгийн
дараа Квинслэнд мужийн амбан захирагч Кэмпбелл Ньюмэн гамшигийн дараах
боломжит бүх арга хэмжээг авч байна гэж мэдэгджээ. Түүнчлэн сургуулиудын
барилга сүйтгэгдсэн учраас үйл ажиллагаагаа түр зогсоогоод байна.
