Үндсэн хуульд оруулах нэмэлт, өөрчлөлтийн төсөлд 16310 иргэний саналыг аваад байна
Монгол Улсын Үндсэн хуульд оруулах нэмэлт, өөрчлөлтийн төслийг гишүүд тойрогтоо танилцуулж, иргэдийн санал бодлыг сонсох ажил ид үргэлжилж байна. Энэ хэлэлцүүлэгт иргэд идэвхтэй оролцож байгаа аж. Өчигдөр /2019.06.24/ -ийн байдлаар гэхэд 16310 иргэн Үндсэн хуулийн нэмэль өөрчлөлтөд өөрсдийн саналаа өгөөд байгаа ажээ.
Энэ сарын 26-ныг хүртэл иргэдийн саналыг авах ажил үргэлжлэх бөгөөд 27-ны өдрөөс УИХ-ын чуулганы нэгдсэн хуралдаанаар Монгол Улсын Үндсэн хуульд оруулах нэмэлт, өөрчлөлтийн төслийн хоёр дахь хэлэлцүүлгийг хийж эхлэхээр товлоод байгаа аж.
Г.Хан
