Хамгийн үнэтэй хамгаалагчаар Х.Магуайр тодров
Английн Манчестер Юнайтед клуб хөлбөмбөгийн түүхэн дэхь хамгийн том наймааг хийлээ. Тодруулбал, Английн шигшээ баг болон Лейстер Сити клубын 26 настай төвийн хамгаалагч Х.Магуайрыг 80 сая паунд буюу 87 сая еврогоор өөрийн болголоо. Ингэснээр Х.Магуайр дэлхийн хамгийн үнэтэй хамгаалагч болж байгаа бөгөөд өнгөрсөн улирал Саутхэмптон клубээс 75 сая паундаар Ливерпүүл клубт очиж байсан Нидерланд хамгаалагчийн үнийг давж гарсан юм. Англи төвийн хамгаалагч Х.Магуайр Манчестер Юнайтед клубтэй зургаан жилийн гэрээ байгуулсан байна. Мөн Английн Ливерпүүл клуб Вест Хэм Юнайтед клубээс чөлөөт агент болоод байсан Испани хаалгач Адрианыг эгнээндээ нэгтгэжээ. Ливерпүүл клуб хэдхэн хоногийн өмнө Бельги хаалгач С.Минолетыг Бельгийн Брюгге клуб руу 6.4 сая паундаар зараад байсан юм. Харин Италийн Сери-А лигийн Кальяри клуб Интер Милан клубээс Бельги хагас хамгаалагч Р.Найнгголаныг зээлээр элсүүлжээ. Бельги залуу Р.Найнгголан 2018 оны зун Рома клубээс Интер Милан клубт ирсэн бөгөөд өнгөрсөн улиралд лигийн 29 тоглолтонд оролцож зургаан гоолыг оруулсан аж. Мөн ирээдүйн К.Роналдо гэгдэж байсан 19 настай Итали довтлогч М.Кейнийг Ювентус клуб Английн Эвертон клуб руу арилжив. Ювентус клубын ирээдүй гэгдэж байсан М.Кейн Английн Эвертон клубтэй таван жилийн 27.5 сая еврогийн гэрээ байгуулжээ. Ингээд дэлхийн хамгийн үнэтэй хамгаалагчдийг танилцуулъя. Дэлхийн хамгийн өндөр үнэ хүрсэн хамгаалагчид Х.Магуайр – 85 сая евро (Англи, Лейстер Ситигээс Манчестер Юнайтед руу) В.ван Дейк – 75 сая евро (Нидерланд, Саутхэмптоноос Ливерпүүл рүү) Л.Эрнандес – 70 сая евро (Франц, Атлетико Мадридаас Бавари Мюнхен руу) М.де Лигт – 67.5 сая евро (Нидерланд, Аяксаас Ювентус руу) А.Лапорте – 57 сая евро (Франц, Атлетико Бильбаогоос Манчестер Сити рүү) Б.Менди – 52 сая евро (Франц, Монакогоос Манчестер Ситир рүү) К.Уокер – 50 сая евро (Англи, Тоттенхэм Хотспураас Манчестер Сити рүү) А.Ван-Биссака – 50 сая (Англи, Кристал Паласаас Манчестер