Оросууд өлсгөлөн баавгай Монголоос ирсэн гэв

33

Аравдугаар сар гарснаас хойш ОХУ-ын Сибирийн хэсэгт өлсгөлөн баавгайн аюул нүүрлээд байна. Алс Дорнод, Буриадад тосгон суурин газарт баавгай орж ирэх нь нэмэгдэж байгаа ч хамгийн их аюулд өртөөд байгаа нь Өвөр Байгалийн хязгаар юм.

Энд өлсгөлөн баавгай тосгоноос 200 метр ойрхон газарт 50 настай эмэгтэйг идсэн хэрэг гарсан. Энэ сар гараад Өвөр Байгалийн хязгаарт дөрвөн баавгайг буудаж хороогоод байна.

Тус хязгаарын Байгаль орчны газраас “Кука тосгонд баавгай хэд хэдэн нохойг алаад байшинд орох гэж оролдсон тул устгахаас өөр аргагүй болсон. Мөн Читагийн ойролцоох зусланд байсан баавгай, Точкин тосгоны иргэн рүү дайрсан баавгай, майханд унтаж байсан загасчдад халдсан баавгайг буудсан. Каларск, Чита зэрэг 11 дүүрэгт баавгай буудах эрх олголоо” гэж мэдэгдлээ.
Өвөр Байгалийн хязгаарын Байгаль орчны сайд Олег Некрасов “Баавгайн нүүдэл болж байна. Манай нутагт баавгай хил орчмын бүсээс, тодорхой хэлбэл Монголоос орж ирж байна. Гэхдээ бид байдлыг бүрэн хянаж байгаа. Өвөл ч гэсэн өлсгөлөн баавгайн аюул арилахгүй. Ойн түймрийн улмаас баавгайн идэш тэжээл ховордсон. Өлсгөлөн баавгай ичээндээ ордоггүй тул сонор сэрэмжтэй байх хэрэгтэй” гэж мэдэгдсэн байна. 
М.Сугар-Эрдэнэ

Эх сурвалж: Zindaa.mn

Санал болгох

Сэтгэгдэл

АНХААРУУЛГА: Уншигчдын бичсэн сэтгэгдэлд www.ENE.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Сэтгэгдэлтэй холбоотой санал гомдлыг 9318-5050 утсаар хүлээн авна.