БНХАУ 299.3 сая тонн нүүрс импортложээ
"Ройтерс" агентлагийн мэдээлснээр, БНХАУ 2018 онд нийт 281.2 сая тн нүүрсийг импортоор авсан бол 2019 оны эхний 11 сарын байдлаар 299.3 сая тн нүүрс импортоор аваад байна.
Тус улсын эрчим хүч, нүүрсний салбарт баримталж буй бодлогын дагуу жилийн нийт импортыг 300.0 сая тн-оос хэтрүүлэхгүйгээр зорьж байгаа гэж эх сурвалж дурьджээ.
Ийм учраас өнгөрсөн 11-р сард тус улсын Хөгжил Шинэтгэлийн хорооноос хилийн бүхий л боомтын удирдлагуудад оны үлдэж буй хугацаанд нүүрсний импортыг хязгаарлах чиглэлийг өгчээ. Тухайлбал, 2018 оны 10-р сард 25.7 сая тн нүүрс импортоор авч байсан бол 2019 оны 11-р сард 20.8 сая тн нүүрс импортолжээ.
Энэ сард ч импортлох нүүрсний хэмжээ үргэлжлэн буурах магадлалтай байгаа юм. Мөн 2020 оны эхний сард Хятадын Цагаан сарын баяр тохиож байгаа тул хилийн боомтууд амарч, нүүрс импортлох боломжгүй. Иймээс ирэх сарын импорт ч ихээхэн бууралттай байх төлөвтэй байна гэж эдийн засагчид үзсэн байна.
Өнгөрсөн оны мөн үетэй харьцуулахад тус улсад нийлүүлсэн Австралийн коксжих нүүрсний нийлүүлэлт 11 хувиар буурсан бол Монгол Улсынх 45 хувиар өссөн байна. Энэ оны эхний 11 дүгээр сарын байдлаар БНХАУ Монголоос 2.76 сая тн коксжих нүүрс, Австралиас 2.56 сая тн коксжих нүүрс импортолсон талаар БНХАУ-ын гаалийн мэдээлэлд байсныг "Блүүмбэрг" мэдээлжээ.
EAGLE.MN
