Р.Бурмаа УИХ-ын гишүүнээсээ татгалзах хүсэлт гаргажээ

433

УИХ-ын гишүүн Р.Бурмаа АН-ын өнөөдрийн бүлгийн хуралдааны үеэр УИХ-ын гишүүнээсээ татгалзах хүсэлтээ танилцуулсан байна.

Яагаад ийм шийдвэр гаргасан тухайд тэрбээр "Миний хувьд зөвхөн сайдын албан тушаал дээр ажиллая гэсэн хүсэлтээ гаргасан. Сайдын албан тушаал санал болгоход сайд бөгөөд гишүүн байх нь УИХ-ын үйл ажиллагаанд сөргөөр нөлөөлнө гэсэн байр суурьтай байсан учир гишүүний ажлаа өгье гэсэн юм" хэмээх тайлбарыг хэвлэлийнхэнд өглөө.

 

Түүний энэхүү шийдвэрийг УИХ дахь Эмэгтэй гишүүдийн бүлгийн зүгээс "Та хэрвээ УИХ-ын гишүүнээсээ татгалзвал дараа нь эрэгтэй гишүүн орж ирэх нь. Бид УИХ-ын түүхэнд байгаагүй амжилтыг үзүүлж, 11 эмэгтэй гишүүнтэй болсон. Тэгэхээр та ганцаараа энэ шийдвэрийг гаргаж болмооргүй байна” гэсэн бол бусад гишүүд "Сонгуулийн тухай хууль бол таны эхлүүлсэн ажил. Ажлын хэсгийн даргын хувьд энэ ажлаа дутуу хаяад явж болохгүй. Сонгууль болоход жил хагасын хугацаа үлдсэн байна. Түүнээс өмнө хуулиа батлуулаад авбал гишүүн байсныг чинь үр дүн гарна. Тиймээс ажлаа орхиж болохгүй" гэсэн санал бодолтой байгаагаа хэлж байгаа аж.

Б.Туул montsame

Санал болгох

Сэтгэгдэл

АНХААРУУЛГА: Уншигчдын бичсэн сэтгэгдэлд www.ENE.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Сэтгэгдэлтэй холбоотой санал гомдлыг 9318-5050 утсаар хүлээн авна.