"Улаан бүс"-ийн ухрах эрхгүй дайчид
АНХНЫ АЙДАС. Тэр бүс рүү өдөр бүр орж хүн эмчлэх, хагалгаа хийхэд биеийн хүчнээс гадна сэтгэлийн асар их тэвчээр хэрэгтэй. Ковид өө энэ эмч шүү гээд тойроод явчихад нэгээхэн ч зүйл байхгүй. Өвчтөнтэйгээ, эмчтэйгээ, эмнэлгийн бүх багийнхан ковидтой тэмцэж байна. Тийшээ орж ирчихээд халдвар авчихвал эмнэлэг дээрээ үг дуугүй тусгаарлагдах учраас өмсөх ойр зуурын хувцас хэрэглээний бүх зүйлс эмнэлгийн багийнханд бий. Энэ бол цаг хугацааны асуудал юм. Халдвар авсан тохиолдол гарвал хамгийн эхлээд гэрийнхэн маань л бодогддог доо. Үр хүүхэд маань яанаа, ээжгүйгээр унтаж чаддаггүй ш дээ мөөмөө санаад шөнө хайх байх даа гэж бодохоор л дотор хачин их эвгүйцэж хурдхан энэ өвчнөөс салах юм сан гэж бодогддог. Гэтэл энэ бүхнийг иргэд ойлгодоггүй. Ялангуяа сүүлийн үед эмч нарын талаарх худал мэдээлэл бидэнд давхар сэтгэл зүйн дарамт авчирч байгааг нуумааргүй байна. Яг үнэндээ бид гар утсаар оролдох, фс ээр орох тийм ямар ч зав байхгүй. Харин таны бичсэнийг хүүхэд явуулж харсан.
ГАР УТАС ХАЛДВАР ТАРААДАГ болохоор бид утсаа гялгар уутанд заавал хийдэг. Хагалгаанаас гарч ирээд утсандаа хүрэхгүйгээр уутыг устгаж хаядаг. Яагаад гар утас хагалгаа руу авч ордог гэхээр янз бүрийн хүндрэл гарсан тохиолдолд эмч дуудах, багаж хэрэгсэл гээд хагалгааны үеэр гарах эрсдлийг тооцож авч ордог юм. Түүнээс хүмүүсийн бодож байгаа шиг гар утсаа ухаад суудаг зүйл байхгүй, гадуур яригдаж байгаа мэдээллийг бүүр сүүлд сонсдог бид. Тийм болохоор эмч нар утсаа авдаггүй гэдэг шүүмжлэлд өртдөг байх. Товчхондоо тийм завгүй,ковидтой тэмцэж яваа юм.
Хамаг биеийг чилээтэл барих хулдаасан хувцас буюу ариутгалын өмсгөл. Монгол хүн болохоороо багласан барьсан хувцсанд ерөнхийдөө дасдаггүй юм шиг байгаа юм. Гэсэн ч ингэж " эрхлэх" боломжгүй шүү дээ. Баглаад л ордог. Одоо өдөр өдрөөс халдвар нэмэгдэж байгаа нь эмч нарын сэтгэлийг хамгийн их зовоож байгаа зүйл. Одоо ажиллаж байгаа эмнэлгийнхний ачаалал хэтрээд удаж байгаа. Ёстой л боломжоороо хоёр жил ажиллаж байгаа учраас ерөнхийдөө хүч тарамдах талдаа байна. Бүх эмнэлгүүд. Тиймээс эмч нараа хайрлаж л байвал гэрээсээ бүү гар гэдгийг олон хүнд ойлгуулж хэлэхэд ХЭВЛЭЛИЙНХНИЙ ДЭМЖЛЭГ хэрэгтэй байна.
Нөгөө талаар зарим иргэд биднийг маш буруу ойлгож байна. Нэг хэвтэн эмчлүүлэгч "муу сайн эмч нар та нар зөндөө их мөнгө авч байгаа биз дээ. Энийг хийхгүй гээд яадгийн" гэсэн. Би тэр хүнд гомдоогүй, тэр хүний буруу биш. Яагаад гэвэл ийм дэмий юм хэн зохиогоод иргэд, эмч хоёрыг "байлдуулах" санаа өвөртлөөд яваа нь сонин. Дээрээс нь иргэд эмч нар мөнгө аваад иргэдийг ковидоор айлгаад байна. Энэ чинь ханиад шүү дээ гэсэн мэдээлэл маш хүчтэй явж байгаа нь халдварын дэглэм алдагдаж, үүнээс үүдээд халдвар нэмэгдээд байгаа юм. 
Хэрвээ ханиад байсан юм бол дэлхий нийтэд яагаад хүмүүс нас бараад, манайд нас баралт нэмэгдээд байгаа юм.
Хэрвээ ханиад байсан юм бол дэлхий нийтэд яагаад хүмүүс нас бараад, манайд нас баралт нэмэгдээд байгаа юм. Цалингийн хувьд цалин цагтаа бууж байгаа нь үнэн болохоос нэмэгдэл шагнал урамшуулал олгоогүй. Бид хийх ёстой ажил гэж бодож, хэрвээ бид хийхгүй бол хэн нэгэн маань үргэлжлүүлж хийж л таарна гэсэн бодолтой ажилладаг.
Нөгөө талаар манай сувилагч, асрагч, тогооч гээд эмч бидэнтэй үргэлж хамт байдаг хүмүүсийн нэр гарахгүй байгаа болохоос тэд бид нараас илүү сайн муутай ноцолдож яваа жинхэнэ "дайчид" юм шүү. Манай нэг асрагч охины хөхнийх нь сүү хулдаасаа дагаад урссан байхыг хараад өөрийн эрхгүй эр хүн гэлтгүй уйлдаг л юм даа.
Өнгөрсөн хоёр жилийн хугацаанд хувцас тайлалгүй мөрлөж, хоол гололгүй идэж, нойр хугаслаж, сэтгэлийн үргэлж айдастай яваа жинхэнэ эгэл дайчид бол эмнэлгийн баг хамт олон шүү. "УЛААН БҮС" -ИЙГ "НОГООН БҮС" болгоход Ганцхан та Гэрээсээ гарахгүй байхад л хувь нэмрээ оруулах нь байна шүү. Монгол хүний саруул ухаанд итгэж байна.
Эх сурвалж: facebook.com
