Иргэдийн эзэмшиж буй газрыг цахим мэдээллийн системд энэ сарыг дуустал бүртгэнэ
Иргэдийн газрыг цахим мэдээллийн системд бүртгэх ажил энэ сарыг дуустал үргэлжилнэ. Улсын хэмжээнд газар эзэмших, өмчлөх эрхтэй нэг сая нэг зуу орчим иргэн хуулийн этгээд байна. Эдгээрээс өнөөдрийн байдлаар 963 мянга нь газраа цахим бүртгэлд бүртгүүлжээ. Үлдсэн хэсэг нь газраа цахим бүртгэлд бүртгүүлэх шаардлагатай. Энэ талаар Газар зохион байгуулалт, геодези, зураг зүйн газрын кадастрын хэлтсийн дарга н.Баянтүмэн "Монгол Улсын хэмжээнд нэг л удаа газрын шинэчилсэн бүртгэлийн ажил хийгдэнэ. Иргэн нэр дээрх газраа бүртгүүлэхгүй бол цаашид газрын харилцаатай холбоотой үйлчилгээ авах боломжгүй болно. Өөрөөр хэлбэл, өөрийн газраа зарах, банканд барьцаалах, бэлэглэх, өвлүүлэхэд хүндрэлтэй" гэжээ.
