Гашуунсухайт-Ганцмод боомтын төмөр замын хэлэлцээрийг баталлаа.
17 жил гацсан Гашуунсухайт-Ганцмод боомтын хил дамнасан төмөр замын хэлэлцээрийг УИХ соёрхон баталлаа.
Ерөнхий сайд Л.Оюун-Эрдэнийн хэлсэн бол хийдэг, эхлүүлсэн бол гүйцээдэг гэдгийнх нь нэг том жишээ нь болж байна. Асар их эсэргүүцэлтэй тулж, Олигархи бүлэглэлүүдийн эрх ашгийг сөрж тэмцсэний үр дүнд Монгол Улсын хамгийн том стратегийн төсөл ийнхүү гараанаас гарлаа.
Энэ төсөл хэрэгжсэнээр Монгол Улс эдийн засгийн тогтвортой байдлаа бэхжүүлэх нэгэн том тулгуур багантай болж байна. Энэ төслийн үр ашиг нь жил ирэх тусам өсөн нэмэгдэж Монгол Улсын эдийн засгийг улам бэхжүүлнэ. Ерөнхий сайдын зарласан 14 мега төслийн сайн эхлэл байх болтугай. Ерөнхий сайд Олигархи бүлэглэлүүдийн эрх ашгийг хөндсөнөөр өөртөө гал дуудаж, бөөн дайсан хурааж байж хийсэн төсөл шүү гэдгийг онцлон хэлье. Мөн ч их чичлүүлсэн дээ! Эцэст нь зорьсондоо хүрч чадлаа.
Өнөөдөр хүмүүст тэгтлээ их анзаарагдахгүй байж магадгүй, зарим нь үл ойшоож ч магадгүй. Харин жил ирэх тусам үнэ цэн нь нэмэгдэх төсөл байсныг цаг хугацаа нь болохоор хүн бүхэн ойлгоно. Бусад төслүүд нь ч асар бэрхийг туулж гаргасан энэ зам жимээр ар араасаа саад тотгор багатай хэрэгжих нь тодорхой болж байна. Хувь нэмэрээ оруулсан, дэмжиж тусалсан хүн бүхэнд баяр хүргэе
