ШӨХТГ-ийн орон нутгийн байцаагч нарын асуудлыг шийдэх хэрэгтэй байна
"ШӨХТГ-ийн
орон нутгийн байцаагч нар албан ёсны орон тооны ажилтан болсноор
хуулийн хэрэгжилт илүү сайжирна" гэж үзэж байна. Тэд 2010 оноос эхлэн
аймгуудад орон тооны бус ажилтан өөрийн ажлын хажуугаар орон нутгийн
байцаагчийн ажлыг хийсээр ирсэн.
Ингэхдээ
Хэрэглэгчийн эрх ашгийг хамгаалах тухай хууль, Зар сурталчилгааны тухай
хууль болон Өрсөлдөөний тухай хуулийг зөрчсөн аливаа үйлдлийг таслан
зогсоох, иргэдийн санал гомдлыг шийдвэрлэх хүрээнд ажиллаж байгаа юм.
Гэсэн ч "ажлын хажуугаар ажилдаг учраас хуулийн хэрэгжилт хангалтгүй
байдаг" гэж Архангай аймгийн засаг даргын тамгийн газрын хуульзүйн
хэлтсийн дарга Ц.Пүрэвсүрэн ярилаа.
Засгийн
газрын тохируулагч агентлаг болох ШӨХТГ-ийг анх байгуулахдаа бүтэц
зохион байгуулалтад нь орон нутагт орон тооны ажилтантай байна гэж
заасан байдаг. Тиймээс тус газраас орон нутгийн байцаагч нарыг орон
тооны ажилтан болгох санал хүсэлтийг удаа дараа засгийн газарт тавьж
байгаа ч эдийн засгийн хүндрэлээс үүдэн одоогоор шийдэх боломжгүй гэсэн
хариултыг өгөөд байгаа юм байна.
