Жэк Лондонг ганцхан өдрийн дотор алдаршуулсан зохиол монгол хэлнээ
"The Saturday Evening Post” сэтгүүл цувралаар
нийтэлсэн "Зэрлэг өвгийн дуудлага” туужийг нь "Macmillan’s” хэвлэлийн
газар 1903 онд ном болгон худалдаанд гаргасны маргааш өглөө л 26 настай
залуу зохиолч Жэк Лондон Америк даяар алдартай хүн болчихсон сэрсэн
гэдэг. "Зэрлэг өвгийн дуудлага” ном худалдаанд гарсан эхний өдрөө л
борлогдож дууссан тул хэвлэлийн газрын эзэн яаралтай арга хэмжээ авч
ажилчдаа шөнөжин ажиллуулан өдөр бүр дахин хэвлэх хэдий ч уншигчдын
эрэлт хэрэгцээг хангаж чадахгүй байжээ. Жинхэнэ бестселлер болсон энэ
зохиолынхоо ачаар Жэк Лондон нэр хүнд олж мөнгөний гачаалаас салж чадсан
аж.
"Зэрлэг өвгийн дуудлага” номыг "Болор судар” хэвлэлийн газраас монгол хэлээр хэвлэн уншигчдын хүртээл болгоход бэлэн болжээ. Дашрамд дурдахад энэ зохиолыг манай сонины сэтгүүлч Б.Барс орчуулсан юм.
Ч.Гантулга
Эх сурвалж: "Зууны мэдээ" сонин
