“Челси”-гийн хаалгач 60 метрийн зайнаас гоол алджээ
Английн АШТ-ий 31 дэх тойргийн "Сток сити”-тэй хийсэн тоглолтод
Лондоны "Челси” багийн хаалгач Тибо Куртуа 60 метрийн зайнаас гоол
алдсан юм. Тоглолтын 44 дэх минутанд "Сток сити”-гийн тамирчид бөмбөгийг
эзэмшиж тус багийн хагасхамгаалагч Чарли Адам Тибо Куртуаг хаалганаасаа
нэлээд урагшилсныг анзаараад 60 метрийн зайнаас хүчтэй цохижээ. Тибо
Куртуа хаалга руугаа буцаж байхдаа үсрэн бөмбөгөнд хүрсэн ч гоол алдахад
хүрсэн байна.
22 настай Тибо Куртуа 2011 оноос хойш Бельгийн шигшээ багийн үндсэн хаалгач болсон бөгөөд энэ жилээс "Челси”-гийн хаалганд зогсох болжээ.
Тоглолтод "Челси” учраагаа 2:1-ээр хожин нийт 70 оноотойгоор Английн АШТ-ийг хошуучилж байгаа юм. Хоёрт 63 оноотой "Арсенал”, гуравт 62 оноотой "Манчестер Юнайтед” явж байна.
