|
Видео

Шинэ мэдээ

23-06-2017, 09:14

“Apple” корпораци 3 тэрбум доллараар “Оюуны Хулгай” худалдаж авчээ

“Apple” корпораци 3 тэрбум доллараар “Оюуны Хулгай” худалдаж авчээ Бид орлогын эх үүсвэрийг нь харж худалдаж авдаггүй, харин технологийн үнэ цэнийг нь харж худалдаж авдаг гэж хэлж байсан Стив Жобс-ын "Apple” корпораци 3 тэрбум доллараар "Оюуны хулгай” худалдаж авчээ.

Тодруулбал "Apple” корпораци "Beats Electronics”-ийг энэ онд 3 тэрбум доллараар худалдаж авсан билээ. Гэтэл "Beats Electronics” нь дууны инженерчлэлээр дэлхийг тэргүүлдэг "Bose” корпорацийн "Noise Cancelation” технологийг хуулбарлаж АНУ-ын Патентын тухай хуулийн 36 зүйлээр буруутгагдаад байгаа юм байна.

Apple яагаад Beats-ийг худалдаж авсан бэ?
Жилийн 98.3 тэрбум долларын орлоготой, Google, Coca-Cola, Microsoft-ийг ардаа орхиж Дэлхийн хамгийн үнэ цэнэтэй Брэндээр шалгаран, гаргасан бүтээгдэхүүн бүр нь дэлхийг байлдан дагуулж буй  "Apple” корпораци Хип Хоп имижтэй, зөвхөн Басс дуугаралтанд түшиглэсэн бүтээгдэхүүнтэй "Beats Electronics”-ийг юуны учир худалдаж авав?
Гэсэн асуултанд мэргэжилтнүүдийн зүгээс цэвэр маркетингийн нүүдэл гэсэн таамаг дэвшүүлж байсан боловч эндүүрэл байж, харин одоо хариулт нэгэнт тодорхой боллоо.

Дэлгэрүүлбэл "Noise Cancelation” гэдэг технологи нь "Bose” корпорацийн 50 жилийн судалгаа шинжилгээний үр дүнд бүтээгдэж хэрэглэгчийг орчны шуугиан чимээнээс тусгаарладаг ид шидтэй бүтээл юм байна.Энэ технологид суурилж үйлдвэрлэгдсэн QC20i, A20 зэрэг бүтээгдэхүүнийг онгоцны нисгэгч, байнга агаараар зорчдог хүмүүс болон жирийн хөгжимд дурлагчид хүртэл чухал хэрэглээгээ болгосон байдаг юм байна.

Гагцхүү энэ технологи л "Apple”-ийн удирдлагуудын сонирхлыг татаж гарын үсэг зурахад хүргэсэн байж. Гэхдээ одоо тэднийг "Beats Electronics” яарвал даарах нөхцөл байдалд оруулж орхижээ.

Сэтгэгдэл

АНХААРУУЛГА: Уншигчдын бичсэн сэтгэгдэлд www.ENE.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Сэтгэгдэлтэй холбоотой санал гомдлыг 7711-0505 утсаар хүлээн авна.