Хоёр хөршийн төрийн тэргүүнүүд Монголд айлчилна
Шил шилээ дарсан найр наадмууд өндөрлөж, хэсэг зуур амралтын
байдалтай байсан улс орны ажил амьдрал голдиролдоо орох нь. Учир нь
хоёр хөршийн төрийн тэргүүнүүд манай улсад айлчлах гэж байна. Тиймээс
манай улс мөнхийн хөрш хоёр их гүрний төрийн тэргүүн нарын айлчлалд
бэлдээд эхэлжээ.
Тодруулбал БНХАУ-ын дарга ноён Си Жинпин наймдугаар сарын 20-доор Монголд айлчлах бол ОХУ-ын Ерөнхийлөгч Владимир Путин есдүгээр сарын эхний долоо хоногт Монгол ирэхээр болсон юм. Улс орны эдийн засгийн байдалд сайнгүй байгаа энэ үед эдийн засгийн томоохон түшиг тулгуур болсон хөрш орнуудын төрийн тэргүүнүүдийн айлчлал манай улсын хувьд ихээхэн ач холбогдолтой бөгөөд дэлхий улс орнуудын ч анхаарлыг татаж буй юм.
Түүнчлэн энэхүү айчлалтай холбоотойгоор УИХ-ын чуулганы хүндэтгэлийн хуралдааныг энэ сарын 20-нд хуралдуулахаар товлоод байгаа бөгөөд хуралдаанд БНХАУ-ын дарга үг хэлж магадгүй аж.
undesten
