НОБГ: Галын шалтгаан тодорхойгүй байна
Төрийн ордонд гал гарч байгаа талаар манай сайт шуурхай мэдээлсэн. Гал Засгийн газрын хуралдааны танхимын цахилгаан утаснаас гарч, улмаар 3, 4 дүгээр давхарт орсон байна. Эх сурвалжийн мэдээлсэнээр Засгийн газрын хуралдааны танхим бүхэлдээ шатсан гэнэ. Улмаар УИХ-ын дарга З.Энхболдын өрөө рүү оржээ. Галын голомтод НОБГ болон цагдаагийн алба хаагчид ажиллаж байна. Харин ордны ажилчдыг болон УИХ-ын гишүүдийг гаргаад байгаа аж.
Галын талаар НОБГ-аас тодруулахад "Төрийн ордонд гал гарч байна гэх дуудлагаар Гал унтраах 10-р ангийн бүрэлдэхүүн ажиллаж байна. Манай байгууллагад анх Төрийн ордоны хоёр давхрын өрөөнд юм шатаж байна гэх дуудлага ирсэн. Одоогоор галыг унтраахаар ажиллаж байна. Галын шалтгаан тодорхойгүй байна” гэх тайлбарыг өглөө.
