Галын дүгнэлт ирэх 7 хоногт гарна
Хөдөө орон нутгаар хаваржингаа түймэртэй байлаа. Хүний хүчээр давагдахгүй байсан түймэр ганцхан борооны нөлөөнд унтарч гал нэг юм намжив. Тэгтэл өчигдөр Төрийн ордны их танхимын цонхоор галын дөл дүрэлзэн шатаж эхлэв. 76 гишүүн ажлын оффисгүй болох уу? Татвар төлөгчдийн мөнгө 76-гийн шинэ оффист бөөн бөөнөөрөө урсах уу? гээд иргэд ч цахимаар эл явдлыг илт бухимдалтай хүлээн авч байлаа.
Азаар Төрийн тусгай обектод гарсан гал газар авалгүй тэгэсхээд унтарчээ. Гэхдээ л засварын ажилд багагүй мөнгө урсана. Тэр мөнгө нь мэдээж та бидний татварт төлсөн мөнгө эсвэл Н.Моди-гийн өгсөн тэрбум доллараас гарах буй заа. Шатах дээрээ тулбал Төрийн ордон ч шатаж болдог аж.
Засгийн газрын хуралдааны танхим нэлэнхүйдээ шатсан гэж буй бөгөөд галын урьдчилсан дүгнэлт ирэх долоо хоногт гарах юм байна.
