Зорчигчтой зүй бусаар харьцсан кондукторыг ажлаас нь халлаа
Өчигдөрхөн олон нийтийн сүлжээгээр зорчигчтой зүй бусаар харьцаж буй
ДЮЦ компанид кондуктор хийдэг залуугийн бичлэг цацагдаж, иргэдийн
бухимдлыг хүргэсэн. Тэрбээр нэгэн зорчигчтой зүй бусаар харьцаж, улмаар
автобуснаасаа чирж буулгаж байгаа нь олны дургүйцлийг хүргэсэн юм.
Тэгвэл автобусны үйлчилгээ эрхлэгч ДЮЦ компанид Авто тээврийн хуулийн
дагуу хариуцлага тооцсон байна. Тодруулбал, тухайн
кондуктортой байгуулсан хөдөлмөрийн гэрээгээ цуцалж, ажлаас нь халжээ.
Харин энэ талаар кондуктор Г.Бат-Эрдэнээс тодруулахад "Автобусанд орж ирсэн зорчигч залуу согтуу байсан. Намайг шаардлага тавихад чамд мөнгө хэрэгтэй байна уу гэхчлэн доромжилсон. Гэхдээ энэ асуудалд миний буруу ч байгаа" гэсэн юм. Тэрбээр оюутан бөгөөд таван сарын өмнөөс хичээлээсээ чөлөө авч ДЮЦ компанид тасалбар түгээгч хийж байжээ.
