Хүндийн өргөгчид залуучуудын ДАШТ-д оролцоно
Польшийн Вроцлав хотноо энэ сарын 6-13-нд болох хүндийн өргөлтийн
залуучуудын ДАШТ-д Монгол Улсаас эрэгтэй 56 кг, 77 кг-д, эмэгтэй 53 кг,
69 кг, 75 кг-д зургаан тамирчин өрсөлдөнө.Тухайлбал, эрэгтэйчүүдийн 56 кг-д ОУХМ Ө.Чагнаадорж, 77 кг-д спортын
дэд мастер Ч.Очирхуяг, эмэгтэйчүүдийн 53 кг-д Т.Баасанжаргал, 69 кг-д
ОУХМ М.Анхцэцэг, 75 кг-д ОУХМ Б.Энхтамир, спортын дэд мастер
Э.Билэгсайхан нар оролцоно. Дашрамд сонирхуулахад, 1978 онд залуучуудын
ДАШТ-ээс манай улсын тамирчин ОУХМ Г.Энхбаатар хүрэл медаль хүртэж
байсан юм.
Д.Өлзий
Эх сурвалж: "Монцамэ" агентлаг
