Дэд сайдын автомашин хонь мөргөж осолджээ
Эрүүл мэнд, спортын дэд сайд Д.Атармаа осолд орж биеийн байдал нь тааруу байна. Ослын улмаас дэд сайдбн нөхөр болох 48 настай эрэгтэй Г нь нас бараад байгаа юм. Тэрбээр "Баруун бүсийн эх, хүүхдийн өвчлөл эндэгдлийн нөхцөл байдлын үнэлгээ, цогц сургалт”-ыг Завхан аймгийн Улиастай хотод зохион байгуулах ажлын хэсгийн ахлагчаар ажиллаж буцах замдаа ийнхүү Булган аймагт осолджээ.
Осол Булган аймгийн Дашинчилэн сумын нутаг Боргочингийн гүүрнээс баруун тийш 6 км-ын замд болсон бөгөөд ослын шалтгаан нь НТЗАвто баазын Т.Ландкрузер маркийн автомашины жолооч Б нь хонь мөргөж онхолдсон байна. Уг ослыг Булган аймгийн цагдаагийн газар үргэлжлүүлэн шалгаж байна.
