ИЗИС-ийн багш нар осолд орж биеийн байдал нь хүнд байна
ИЗИС-ийн багш нар Эрдэнэт орохоор явж байгаад осолд орсон тухай эх сурвалж мэдээллээ. Тодруулбал, өчигдөр Төв аймгийн Бор нуур сумын Өгөөмөр 1-р багийн нутаг УБ-Дархан чиглэлийн 105-106 км-т Х.Аванте маркийн Б жолоочтой авто машин нь Т.Ист маркийн авто машинтай мөргөлджээ. Ослын улмаас 28 настай эрэгтэй О нас барж 7 хүн гэмтсэн байна. Уг хүмүүс нь Эрдэнэт орохоор явж байсан ИЗИС-ийн багш нар байсан гэж эх сурвалж мэдээлж байна. Ослын шалтгааныг тодруулахаар цагдаагийн байгууллага ажиллаж эхэлжээ.
