Таван аймагт мал, амьтны гоц халдварт өвчин гарчээ
Өнөөдрийн байдлаар таван аймгийн долоон сумын нутагт мал, амьтны гоц халдварт өвчний найман тохиолдол бүртгэгдэж, тэдгээр тохиолдлын голомтод тогтоосон хорио цээрийн болон хязгаарлалтын дэглэм үргэлжилж байна.
Сүхбаатар аймгийн Сүхбаатар сумын нутагт хонины цэцэг өвчин, Увс аймгийн Хяргас суманд боом, мөн Түргэн сумын Баянхайрхан багт галзуу, Булганы Орхон суманд галзуу өвчнөөр мал өвчилсөн тохиолдол бүртгэгджээ.
Мөн Говь-Алтай аймгийн Алтай сум, Тайшир сум болон Өвөрхангай аймгийн Тарагт суманд малын галзуу өвчин гарч, өвчний тохиолдол бүртгэгдсэн голомтод хорио цээр, хязгаарлалтын дэглэм тогтоогоод байна гэж ОБЕГ-ын Гамшгийн шуурхай удирдлагын газраас мэдээлэв.
