С.Ням-Очир, Х.Цагаанбаатар нар шилдэг 8-д үлдлээ
"Чингис Хаан” гран при-2015 тэмцээн хоёр дахь өдрөө Буянт-Ухаа спортын ордонд үргэлжилж байна. Өнөөдөр эрэгтэйчүүдийн 73, 81, эмэгтэйчүүдийн 63, 70 кг-ийн жингийн барилдаанууд явагдаж, аваргууд тодрох юм. Эрэгтэйчүүдийн 73 кг-ийн жинд барилдаж буй манай тамирчид болох С.Ням-Очир, Х.Цагаанбаатар, С.Миарагчаа, Г.Одбаяр нар бүгд шилдэг наймд шалгарч үлдээд байна. Мөн эрэгтэйчүүдийн 81 кг-ийн жинд О.Ууганбаатар шилдэг наймд үлдлээ. Харин эмэгтэйчүүдийн 63 кг-ийн жинд Ц.Цэрэннадмид шилдэг наймд үлдэж, хэсгийн аваргын төлөө барилдах эрхээ аваад байна.
Хэсгийн аваргын төлөөх учраануудын дунд манай тамирчин Х.Цагаанбаатар Лондонгийн олимпийн аварга ОХУ-ын бөх Мансур Исаевтай хийх барилдаан анхаарлын төвд байгаа юм. Манай тамирчин өмнө нь Мансур Исаевтай нэг удаа таарч, ялагдаж байсан билээ.
