Б.Пүрэвдоржтой холбогдуулан хүмүүсээс тайлбар авчээ
АТГ-аас Иргэний харьяалал, шилжилт хөдөлгөөний ерөнхий газрын дарга Б.Пүрэвдоржийг авлига, албан тушаалын хэрэгт сэжиглэн шалгаж эхэлсэн байгаа. Хэргийн мөрдөн байцаалт эхлээд удаагүй байгаа ч эл хэрэг дээр одоогоор хэд хэдэн хүнээ мэдүүлэг, тайлбар авсан талаар эх суррвалж өгүүлж байна. Б.Пүрэвдоржийн хувьд шалгуулахад бэлэн байгаа бөгөөд хэргийн учиг үнэн зөвөөр тайлагдана гэдэгт итгэлтэй байгаагаа илэрхийлсэн аж.
Авлигатай тэмцэх газраас Иргэний харьяалал, шилжилт хөдөлгөөний ерөнхий газрын удирдах болон гүйцэтгэх албан тушаалтнуудад холбогдуулан Эрүүгийн хуулийн 263 дугаар зүйлийн 263.2, 150 дугаар зүйлийн 150.3-д зааснаар мөрдөн байцаалтын ажиллагаа явуулж байна. Эрүүгийн хэргийг өнгөрсөн сарын 09-ний өдөр үүсгэсэн гэдгээ хэлсэн.
Түүнийг албан тушаалаа урвуулан ашигласан, албан тушаалаа ашиглаж улсад их хэмжээний хохирол учруулсан хэрэгт сэжиглэж байгаа юм.
