Дуучин Т.Дэлгэрмөрөнд туслах "Сайхан наадаарай" тоглолтод урьж байна

276

Дуучин Т.Дэлгэрмөрөнд туслах "Сайхан наадаарай" тоглолтод урьж байна "Номин талст” хамтлагийн дуучин Т.Дэлгэрмөрөн хорт хавдартай тэмцэж байгаа талаарх мэдээ сүүлийн үед хэвлэл мэдээллийн хэрэгслүүдээр цацагдсаар байна. Тэрбээр өөрийн цахим хуудаснаа "Амин хайртай эхийг минь хорт хавдар залгихад би бурхантай 3 жил өгч авалцаж тэмцээд, амирлан энэрэх болгож байлаа. Одоо ч бараг ийм зовлон амсаагүй өрх айл, хамаатан садан алга. Гэтэл орчлонгоос олж авсан ганцхан үнэлж барамгүй хүнийг минь үзэн яддаг сүүдэр нөмрөн авлаа. Би түүнд дийлдэхгүй нам дарнаа, нулимсаараа нүүрээ угааж ханалаа. Ах дүүс минь мэддэг бүх маани мэгзмээ бусдын төлөө ерөөж хайрлаач, бидэнд хүч хайрлаач, би тулалдъя тэмцье. Бидний итгэл зориг үнэн сэтгэл, нэгдэн бадарч чадвал тийм ээ, бид өөрсдөө бурхад аа” гэж бичсэн байсан нь олны анхааралд өртсөн билээ.

Өвчин гэгч хэлж ирдэггүй, хийсч ирдэг гамшиг болохоор бидний хэнд ч тохиолдох магадлалтай юм. Иймд хорт хавдар хэмээх гамшигтай тэмцэж буй нэгэндээ сэтгэлийн дэм хайрлаж, эмчилгээнд нь нэмэрлэх хандиваар тусалж чадвал үнэлж баршгүй буян болох нь мэдээж. Энэ тал дээр манай урлаг, соёлынхон үнэхээр бахархмаар нэгдэж чаддагийг бид олон тохиолдол дээр харж байсан билээ.

Тэгвэл, 7-р сарын 10-ны орой 20.00 цагт "Crocus Event Hall"-д Монголын рок, поп оддын тоглолт болж, орлогоо дуучин Т.Дэлгэрмөрөнгийн эхнэрийн эмчилгээний хандивт зориулах юм байна.  Энэхүү тоглолтод Харанга, Чингис хаан, Камертон, Номинталст, Люмино, Хар сарнай, Нисванис, A-Sound, Lemons, Mongol Mix Project болон Зууны манлай дуучин Б.Сарантуяа, дуучин Наран, Баярцэцэг, хийлч Дээгий нар оролцож, үзэгчдэд ая дуугаа өргөнө.

Та бүхнийг энэ тоглолтод хүрэлцэн ирж сайхан дуу хөгжмөөр сонор, мэлмийгээ мялаахаас гадна хайртай дуучин Т.Дэлгэрмөрөндөө сэтгэлийн хандив өргөхийг урьж байна.

Санал болгох

Сэтгэгдэл

АНХААРУУЛГА: Уншигчдын бичсэн сэтгэгдэлд www.ENE.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Сэтгэгдэлтэй холбоотой санал гомдлыг 9318-5050 утсаар хүлээн авна.