Зуслангийн замыг маргааш нээнэ
Улсын баяр наадмаас өмнө зам засварын өргөтгөл, шинэчлэлийн ажлыг эрчимжүүлж тээврийн хэрэгслүүдийг саадгүй нэвтрүүлэхээр ажиллаж байна. Тодруулбал Шарга морьтын уулзвараас Хандгайтын зам хүртэлх 6.75 км авто замын засварын ажил маргааш дуусна.
Мөн Шарга морьтын уулзвараас Нямдоржийн гүүр хүртэлх 2.8 км авто замын хучилтыг хийж зорчих хэсэг болон Улиастай-Гачуурт чиглэлийн 11км-ээс 6.0 км хоорондох нийт 5км замыг асфальт болон бетон хучилтыг бүрэн хийж маргаашнаас тээврийн хэрэгслийн хөдөлгөөнийг нэвтрүүлэхээр болжээ.
