Хурдан морины уралдааны цагийн хуваарь гарлаа
Тулгар төрийн 2224, Их Монгол Улсын 809, Ардын хувьсгалын 94 жилийн ойн баяр наадмын хурдан морины уралдааны цагийн хуваарь гарчээ.
Маргааш буюу долдугаар сарын 10-нд Хүй долоон хутагт 08:00-11:00 цагийн хооронд хязаалан, 14:00-16:20 цагийн хооронд шүдлэн насны морьдын уралдаан болно.
Долдугаар сарын 11-ны 08:00-11:40 цагт азарга, 14:00-16:20 цагт их насны морьд барианд орно.
Долдугаар сарын 12-нд 07:00-09:20 цагт соёолон, 10:30-12:30 цагт дааганы уралдаантай.
Долдугаар сарын 13-нд 07:00-09:20 цагт эрлийз дээд насны морьд, 10:30-12:30 цагт эрлийз дунд насны морьдын уралдаан зохион байгуулагдана. Харин 13:00-13:05 цагт уяачдын наадмын нээлтийн үйл ажиллагаа болж, 12:00-15:00 цагт жороо морины тойргийн уралдаан, 14:00-16:00 цагт Эрлийз бага насны морьдын уралдаанаар өндөрлөнө.
