Завхан аймгийн Улиастай хотод өндөр настан, хөгжлийн бэрхшээлтэй иргэд,
хүүхэд багачуудад үнэ төлбөргүй /иргэд 400 төгрөг/-ээр тохилог
автобусаар үйлчлүүлж байна.
Иргэдийн нийтийн тээврээр үйлчлүүлэх зардлыг хэмнэх, үйлчилгээний чанар
хүртээмжийг сайжруулах зорилгоор аймгийн ядуурлыг бууруулах хөтөлбөрийн
хүрээнд захын хорооллын иргэдэд хүрч үйлчилж байгаа билээ.
Энэхүү "Автобус” дэд хөтөлбөрийн хүрээнд автобус бүрт байршлыг хянах
GPS төхөөрөмж суурилуулж, автобусны буудлуудыг шинэчлэн сайжруулах ажлыг
хийж байна. Мөн буудал бүрийн гэрэлт самбарт автобусны явах чиглэл,
цагийн хуваарийг байршуулахтай холбогдуулан иргэдээс үйлчилгээний
чиглэл, цагийн хуваарийн талаар санал авчээ.
Б.Мягмарсүрэн/Завхан/
Эх сурвалж: "Монцамэ" агентлаг