Шагайн харваанд 50 багийн 490 гаруй харваач өрсөлдөж байна
Энэ жилийн шагайн харваанд 50 багийн 490 гаруй харваач өрсөлдөж байна. Үүнд, Монгол Улсын үлэмж дархан 48, Дархан мэргэн 21, Улсын мэргэн 17, Дэд мэргэн 22, Харшгүй мэргэн найм, аймгийн гоц мэргэн 55 буюу нийт харваачдын 42 хувь нь цолтнууд байгаа аж.
Энэ жилийн шагайн харвааны гол онцлог нь Монголын шагайн холбооны хурлаар батлагдсан дүрмийн дагуу эртний уламжлалт өрөг харваагаар харваж байгаа аж. Өрөг харваа нь 16 хасааг шимж тоглох аргачлал бөгөөд манай харваачид өмнө нь тулах болон өрөг харвааны төрлүүдийг холин харвадаг байсныг зохион байгуулагчдын зүгээс хэлж байна.
Шагайн харваа баяр наадмын өдрүүдэд үргэлжлэн явагдаж, 12-ны өдрийн 8:00 цагт шилдгүүдээ тодруулах юм байна.
