|
Видео

Шинэ мэдээ

Аравдугаар сарын зурхайгаа уншаарай

Хонины орд

10 сарын 23-ныг хүртэл Нар Хонинуудын хайр дурлалын харилцааг ивээснээр чиний амьдрал тэр чигтээ цор ганц хайртай хүнийг чинь тойрон эргэлдэх болно. Мэдээж заяаныхаа ханьтай учирчихсан Хонинуудын хувьд шүү дээ. 6 сарын турш буцах хөдөлгөөнд орчихсон байсан Буд гараг 10 сарын 9-нөөс Хонины ордод эргэн ирснээр харилцаа улам бүр амар хялбар болж, асуудлууд төд удалгүй шийдэгдэж, чамайг хүндрүүлээд байсан зүйлсийг хялбархан ойлгож, олж харж эхэлнэ. Ингэснээр чи нөхцөл байдлыг тунгаан бодож, зөв шийдвэр гаргах тал дээр илүү туршлагажих юм. Энэ сард боловсрол, аялал гэх хоёр сэдэв хайр дурлалын харилцаанд чинь нэлээд том байр суурийг эзэлнэ. Сарын тодорхой үеүдэд сэрэл мэдрэмж чамайг дотроос чинь шатаах мэт болох ба сүүлийн 7 хоногт ажил алба, хариуцлага гэх мэт зүйлс хайр дурлалын амьдралтай чинь холилдчихоод байгаа мэт санагдана. Ангараг Бархасбадь гаргиудын хавсарсан нөлөөгөөр 2015 оны 10 сар Хонинууд ажлын талбар дээр тун идэвхтэй байх болно. Цаанаасаа л чамайг хурдтай, хөдөлгөөнтэй байхыг шаардах ба оюун санаа чинь ч үүнийг дагаад сийрэг, шийдэмгий байх ажээ. Харин дээрх хоёр гараг дээр Дэлхийн ван нэмэгдэж гурвалсан холбоо үүсгэснээр Хонинуудын амжилтын төлөөх шат нь пуужин болж хувирна. Олон зүйлд нэгэн зэрэг анхаарлаа төвлөрүүлж чаддаг Хонинууд одоо л ур чадвараа харуулах цаг нь ирээд байна. Тодорхой нарийвчилсан төлөвлөгөө, алсын хараа дутагдаж магадгүй учраас бусдаас тусламж хүсэхдээ битгий санаа зовоорой. Гэрээ, хамтын ажиллагаа, багийн зохион байгуулалт дунд энэ сард Хонинууд гол рольд тоголно. Хэсэг хугацаанд үргэлжилсэн хүнд хэцүү, шударга бус байдлын дараа илүү сайжирсан гэдгээ Хонинууд харуулах болно оо. Мөн мөнгө тийм ч хялбар ороод ирчихдэггүй болохоор болгоомжтой байхгүй бол нэг л мэдэхэд юунд үрэгдсэн нь мэдэгдэгхгүй гарын чинь салаагаар урсчихсан байх вий! Харин эрүүл мэндийн хувьд эрсдэлтэй байж мэдэх нь. Хичээх хэрэгтэй ч өөртөө амралт өгч байхаа мартаж болохгүй шүү. Мөн даралт болоод зүрх судасны үйл ажиллагаанд илүүтэй анхаарал хандуулаарай. Хоолны хордлого, БЗХӨ- өөс сэргийлээрэй.

Үхрийн орд

Энэ 10 дугаар сарын турш Үхрийн ордны хосын харилцаа хүсэл тачаалын бэлэг тэмдэг Ангараг болоод Үхрийн ордны хайр дурлал, бэлгийн амьдралыг ивээгч Бархасбадь хоёрын удирдлага дор тун сонирхолтой өрнөх нь. Мөн сарын 8-аас эхлэн дээрх хоёр гарагтай дурлалын гараг болох Сугар нэгдсэнээр энэ бүхэн бүр ч гайхалтай болж эхэлнэ. Энэ давхцал нь маш ховор тохиолддог учраас Үхрийн ордныхонд маш хүчтэй нөлөө үзүүлэх болно. Улам бүр тачаангуй болж, хүсэл тачаал чинь оргилоход бэлтгэлтэй байгаарай. Хостой Үхрүүдийн хувьд хайртдаа урьдынхаасаа ч илүүгээр татагдаж, эротик хуял тачаал чинь хэзээ ч хаана ч буцалж мэднэ. Хайрттайгаа хамт шидэт сарыг бүтээх нь дээ. Харин ганц биечүүд аз жаргалтай гоонь амьдралаа орхиж, тогтвортой харилцаа үүсгэхийг хүсч эхлэх ба болзооны урилгаар ч төдийлөн тасрахгүй болов уу. Харин сарын 3-р хагаст уулзсан залуу чиний амьдралыг өөрчилж мэднэ. Гэхдээ энэ их эрч хүч нь дараа нь чамайг харамсаж магадгүй үйлдэлд хүргэж болзошгүй гэдгийг санаж өөртөө хяналттай байгаарай. Ажил мэргэжил санхүүгийн хувьд илүү эрх чөлөөтэй, бүтээлч болсноо мэдэрч зарим нэг томоохон шийдвэрүүдийг гаргана. Ажил үйл чинь үр бүтээл өндөртэй байж орлогын хувьд ч мөн адил сайн байх нь. Хэдий тийм ч мөрийтэй тоглоом, эрсдэлтэй хөрөнгө оруулалт гэх мэт шуналын сэдлээр болсон үйл явдлаас шалтгаалж их хэмжээний зарлага гарч мэдэх учир болгоомжлоорой. Энэ сар урлагийн талын авьяастай, томоохон хүсэл тэмүүлэлтэй хүмүүст ээлтэй байгаа учраас боломж л олдвол алдахгүй байхыг хичээ. Мөн өөрийгөө илэрхийлэх их эрч хүчтэй байх учраас олны анхаарлын төвд байж сайшаалыг хүртэх нь. Харин эрүүл мэндийн хувьд санаа зовох зүйлгүй бөгөөд энэ сард гайхалтай эрч хүчтэй байх болно. Тиймээс булчингаа илүүтэй ажиллуулах зүйл хийж байх нь сайн шүү.

Ихрийн орд

Санчир гаригийн нөлөөгөөр Ихрүүдийн хувьд 10 сар хайр дурлалын харилцаанд ээлтэй, халуухан сар болж өнгөрөх нь ээ. Эхлээд Бархасбадь, Ангараг гаригууд Ихрүүдэд сэтгэл татам байдлыг бэлэглэж, Сугар гариг дур булаам төрхийг чинь бүтээж өгнө. Харин дараа нь Нар ирж эрч хүч, гэрэл гэгээрээ эргэн тойрныг чинь гийгүүлнэ. Мөн Ихрийн ордны хайр дурлалыг ивээгч Буд гариг буцах хөдөлгөөнөө удаашруулж сарын 9-нөөс Ихрүүдэд шууд нөлөөгөө үзүүлж эхэлснээр энэ сарын турш хайр дурлал гэдэг сэдэв чамаас салахгүй дагах болно. Ангараг, Санчир гаригууд Ихрүүдийн ажил албаны талбарт хавсарсан нөлөөллөө үзүүлж эхэлснээр хэдэн сарын өмнөөс төлөвлөөд, ажиллаж эхэлсэн төсөл чинь зорилгоо биелүүлж чадна. Мөн шинэ боломжууд нүдний чинь өмнө тодорч ирнэ. 2015 оны 10 сард ажил алба сайн байснаар орлого өсөх магадлал өндөр боловч чи үүнд нэг их анхаарлаа төвлөрүүлэхгүй бололтой. Ажлынхаа хажуугаар амжуулж болох шинэ бизнесийн боломж гарах эсвэл ар гэрээсээ томоохон тусламж авна. Үл хөдлөх хөрөнгө, өмч, зар сурталчилгаа, албан тасалгаатай холбоотой ажлууд сайн бүтнэ. Энэ бүхэнд бүтээлч, урлагийн сэтгэлгээ чинь чамд туслах болно. Эрүүл мэндийн хувьд хамгийн сайн бөгөөд сайхан нь гэж энэ сарыг л хэлэх байх. Чи эрч хүчтэй байхыг хүсч алхах, дугуй унах, скэйтээр гулгах, дасгал хийх, бүжиглэх гэх мэтээр өөрийгөө хөдөлгөөнтэй байлгана. Өмнө мэдрэгдэж байсан эрүүл мэндтэй холбоотой асуудлуудыг цэгцлэхэд нэн тохиромжтой. Нүдний хараа, мөөгөнцөр, цистит, үе мөч гэх зэрэг байнга чамайг зовоогоод байдаггүй ч биед чинь байсаар байгаа тэр асуудлуудыг хэлж байна шүү.

Мэлхийн орд

Төгс төгөлдөрийн бэлэгдэл Дэлхий ван гараг гайхамшигтай байрлалд шилжин ирж, Мэлхийн ордны хосуудад энэ 10 сараас эхлэн жилийн турш эерэг нөлөө үзүүлж эхлэх нь. Энэ нь мөн чамд тулгараад байгаа хурцадмал байдлыг намжааж илүү өөдрөг гэгээлэг зүйлсийг бий болгох юм. Хэрвээ чи хайр дурлалын тал дээр ямар нэг шинэ зүйл эсвэл ямар нэгэн чухал алхам хийх гэж байгаа бол энэ удаа амжилттай байх болно шүү. 10 дугаар сард ганц бие Мэлхийнүүдэд шинэ харилцаа үүсгэхэд аялал зугаалга, харилцаа холбоо, мэдээлэл цуглуулахтай холбоотой ажлууд тусална. Хэрвээ чи жинхэнэ хайраа хайж байгаа бол одоо л боломж гарч байна. Үүний тулд чи гадуур явж, шинэ хүмүүстэй танилцаж, аялал зугаалгаар явж идэвхитэй байх хэрэгтэй гэдгийг санаарай. Хуучин харилцаа, асуудлуудад илүү нээлттэй ханддаг болсноор чи улам бүр сайжирч, гэрэлтэнэ. Санхүү болон ажил мэргэжлийн хувьд Мэлхийн ордныхон санаачилгатай байх авч бага зэргийн сэтгэл түгшсэн байдалтай байх нь. Энэ сард Мэлхийн ордынхны ажлын гол зэвсэг нь сэтгэлийн их хүч, бусадтай эв зүйгээ олох чадвар, маргашгүй итгэл үнэмшил зэрэг юм. Мөн оюуны хөрөнгө оруулалт, шалгалт шүүлэг, ажлын ярилцлага, сонгон шалгаруулалтанд маш эерэг нөлөөтэй сар байх нь. Хэрвээ чи ямар нэгэн авхаалж самбаа сорьсон ажил хийдэг бол энэ сард амжилттай ажиллаж өөртөө олон давуу талуудыг бий болгох нь байна. Нарны хиртэлт нь Мэлхийнхэний гэр бүл, эд хөрөнгө, амьдарлд санхүүгийн хувьд гэнэтийн зүйлийг авчирна. Харин сэтгэл санааны хувьд энэ 10 сард тогтворгүй байна. Зөвлөгөөг үл тоомсорловол эрсдэлд орох магадлал их байна. Мөн чиний одоо хийж байгаа зүйл чинь эрүүл мэндэд чинь эрсдэл дагуулж болзошгүй. Мөн анхааруулахад өөрийн хайхрамжгүй байдлаасаа болж хот суурин газраас хол байх үед осолд эндэгдлийн эрсдэлтэй болохоор анхаарал болгоомжтой байгаарай.

Арслангийн орд

Арслангийнхны хувьд хосын амьдрал, сексийн амьдрал хоёр тун чухал байр суурь эзлэх 10-р сар ирж байна. Удаан хугацааны харилцаанд ямар нэг асуудал, зөрчил байхгүй мэт санагдавч догдлол, тэмүүлэл уствал хосууд "мохоо” байдалд хүрнэ гэдгийг санаарай. Чи өөрөө анзаарахгүй ч байж магадгүй, гэхдээ чи илүү их дурлахыг, догдлохыг хүсч, эрэлхийлнэ. Нөгөө талаас, Сугар гариг ухрах хөдөлгөөнийхөө сүүлийн үед орно. Энэ мөчлөг нь 6-р сард эхэлсэн бөгөөд Арслангийн ордныхны хайр дурлал болон мөнгөний урсгалд нөлөөлж байсан. Үүний ачаар хосуудын амьдралд байсан материаллаг асуудлууд цэгцэрнэ. Мөн энэ 10-р сар мөнгөний тал дээр их чухал сар болж өрнөнө. Дээр дурдсанчлан Сугар гаригийн ухрах хөдөлгөөн зогссоноор карьерээ шинээр эхлэх, илүү ашигтай ажиллаж эхлэх үе ирнэ гэсэн үг. Ангараг, Бархасбадь гаригийн хослолын нөлөөгөөр 10-р сар санхүүгийн хувьд их идэвхтэй үйл явдлууд өрнөх нь. Бизнесийн ашиг сонирхлын тал хөдөлгөөнд орж эхлэх учраас түрийвч чинь баярлах магадлалтай. Гэхдээ ямар эрсдэлтэй учирч байгаагаа тооцоолж, болгоомжтой байгаарай. Нарны байрлал сул байгаа тул бие жаахан муудаж мэднэ. Өөрөө өөртөө анхаарал тавьж, аливааг хэтрүүлэхээс болгоомжил.

Охины орд

Дүрэлзсэн хуял тачаалын сар ирж байна. Хайр сэтгэл, сэтгэл хөдлөлийг бэлгэдэгч Сугар, хүсэл тачаалын бэлгэдэгч Ангараг, мөн Охины хосын харилцааг июээгч Бархасбадь гаргиуд Охины ордныхонд шууп нөлөө үзүүлэх болно. Дээрх гурвалсан давхцал дээр нэмээд хайр сэтгэлийн хүчийг өдөөгч Дэлхийн ван гараг Охины ордод шилжиж ирнэ. Энэхүү хүчирхэг тохиолын дор чиний цус өөрөө л буцалж, байгалийн араншин чинь илэрч гарах болно. Романтик сэтгэл хөдлөл чинь хүртэл улам хүчтэй болж, харилцаанд чинь өмнө нь үүсээд байсан бүх ээдрээг давах мөч ойрхон байна. Харин ганц биечүүд өчүүхэн дохионд л дурлалд умбаад ирнэ. "Анхны харцаар дурладаг гэдэг итгэдэг үү?” гэсээр чи энэ сарыг өнгөрөөж мэдэх юм. Гэхдээ хэт сэтгэл хөөрөлдөө автаж болохгүй шүү. Өөртөө тохирохгүй хүнд дурлаж, ямар ч боломжгүй харилцааг үүсгэхээр хүчлэх эрсдэл байгааг ойлгоорой. Харин ажил мэргэжил, санхүүгийн хувьд энэ сард Ангараг, Сугар гаргиуд хамтран Охиныхонд хүч чадал, өөртөө итгэх итгэлийг бэлэглэсээр байна. Олон олон төслүүдэд өөрийгөө сорьж, дорвитой санаачлага гаргахыг од эрхэс чамд уриалж байна. Нэг хэвийн зогсонги байдлаа эвдэх боломж одоо л гарах болно. Түүхэнд тэмдэглэгдэхүйц үр дүн авчирч болох ямар нэгэн зүйл рүү чиглэсэн маш их эрч хүч чамд хуримтлагдах болно. Мөн Охины ордныхонд удахгүй болох нарны хиртэлт томоохон шинэ зүйл эсвэл санхүүгийн хувьд гэнэтийн ашиг орлогыг амлаж байна. Харин эрүүл мэндийн хувьд санаа зовоосон асуудал бараг л үгүй. Ертөнц бүхэлдээ чинийх, чи бүгдийг чадах мэтээр төсөөлж, хэрвээ хүсвэл уулыг ч хөдөлгөж чадах мэт санагдана. Гэхдээ тайвшир. Учир нь Санчир гариг чиний нэг л алдаатай алхмыг чинь ашиглаад буруу зүг рүү дагуулахаар хүлээж байгаа шүү.

Жинлүүрийн орд

Жинлүүрийн ордны хайр дурлалыг хариуцагч Ангараг гариг 10-р сарын туршид нэгэн сайн хамтрагчтай ханьсах нь ээ. Тэр бол хайр эв найрамдлын гариг Сугар юм. Энэхүү хослол нь чамд харилцаандаа сэтгэл ханамжтай байдлыг авчирна. Гэхдээ энэхүү сэтгэл ханамжтай байдал нь хориотой дурлал байх юм уу олны анхаарлыг татах зэрэг ямар нэг нууцлаг байдал, хязгаарлалтын дор явагдах төлөвтэй байна. Жинлүүрийнхний хамтрагч мэргэжлийн хүрээнд амжилт гаргах юм уу олон сарын турш зовсон эрүүл мэндийн асуудлаа шийднэ. 10-р сард Нарны нөлөөгөөр Жинлүүрийн ордныхон амжилтаараа ялгарч, бусдаас тодорч, олныг татах болно. Нар нь чиний бусдыг удирдан манлайлах зохион байгуулах чадварыг хөгжүүлнэ. Мөн Буд гариг 9-нөөс эхлэн урагшлах хөдөлгөөн хийж эхлэх бөгөөд 10-р сарын сүүлийн 20 хоногийн турш оюун ухаан, мэдээлэл, харилцаа холбоо, аялалтай холбоотой үйл хэргүүдийг чинь ивээх төлөвтэй байна. Ухаан чинь хурц, шинэ санаагаар дүүрэн байх бөгөөд эргэн тойрны чинь юм бүр хаврын улирал шиг сэргэн цэцэглэж байна. Шалгалт өгөх, уулзалт хэлэлцээр хийх, холоос ажиллахад таатай. Одоо чи ямар нэг сургуульд явж, чухал бичиг баримт боловсруулах юм уу өөрийнхөө сайтыг нээхэд тохиромжтой. Биеийн уян хатан байдал, бүтээлч зан шаардагдсан ажлуудад ч авьяастай байна.

Хилэнцийн орд

Өсөн дэвжих хүслээр дүүрэн хэрнээ түгшүүртэй сар эхэлж байна. Өөрт төрж байгаа мэдрэмжээ ямар ч нэмэлт хачиргүйгээр хайртдаа хэлж, харуулж эхэлснээр чи илүү тайван амгалан байдлыг мэдрэх болно. Сарын 2 ба 3 дахь долоо хоногуудад давшингуй, дүрэлзсэн хүсэл тачаалаараа хайртыгаа гайхшруулна. Хилэнцийн ордныхныг ивээгч, хайр дурлал хүсэл тачаалын бэлгэдэл Сугар гараг Ангараг гарагтай уулзалдсанаар ганц бие Хилэнцүүд тогтвортой харилцаа үүсгэх боломжоор дүүрэн болно. Харин хостой Хилэнцүүд бие биенээсээ илүү их хайр халамжийг мэдрэнэ. Нийгмийн харилцаа, найз нөхөд, бүлэг холбоод чамайг илүү идэвхтэй байлгаж, аз жаргалынхаа өөд тэмүүлэхэд чинь тусална. Бархасбадь, Ангараг гаргиуд урдаа тавьсан зорилгыг чинь биелүүлэхээр хамтдаа зүтгэж эхэлнэ. Дээрх хоёр гаргийн хавсарсан нөлөөгөөр найз нөхөд, дээд албан тушаалтан болоод нийгмийн зүгээс өөрийнхөө асуудалд бодитой дэмжлэг хүртэх болно. Хүсэл сонирхол, зорилгоороо нэгдсэн групп, хамт олны дунд удирдагч нь болж сонирхолтой ажлууд өрнүүлэх болно. Сугар гаргийн нөлөөгөөр энэ сарын эхний арав хоног хамтын ажиллагаа, нийгмийн сүлжээгээр дамжсан амжилтуудыг чамд авчирна. Хоёр болоод гурав дахь арав хоногт ажлын талбар дээрх нэр хүнд чинь өсч, шинэ боломжуудаар хүрээлэгдэнэ. Мөн энэ сард санхүүгийн нөхцөл чинь нэг шат ахих ба буруу замаар будаа тээдэг хүн биш гэдгээ батлан харуулах боломж одоо л тохиох нь. Эрүүл мэндийн хувьд сарын эхний арав хоногт тун хувьсамтай байдалтай байна. Нар – Тэнгэрийн ван гаргиудын эсрэгцсэн байрлалаас болж гэнэтийн осол эндэгдэл тохиож мэднэ. Нөгөөтэйгүүр Буд гаригийн буцах хөдөлгөөнөөс шалтгаалж муу муухай бүхэн тийм ч удаан үргэлжлэхгүй болов уу. Сарын хоёрдугаар хагаст эрүүл мэндийн ерөнхий төлөв сайжирч сарыг гайхалтай эрч хүчтэйгээр төгсгөх болно.

Нумын орд

Нумын ордны хайр дурлалыг хариуцагч Буд гариг 10-р сарын 9-нөөс эхлэн урагшлах хөдөлгөөн хийж эхэлнэ. Энэ үеэр ирээдүйн харилцаанд чинь чухал нөлөөтэй ямар нэг том дүгнэлт, шийдвэр гарч магадгүй. Эсвэл хамтрагчийн чинь амьдралд томоохон үйл явдал тохиолдож ч мэднэ. Найзууд, уулзалт, бүлэг хүмүүс Нумын ордныхны хайр дурлалын амьдралд нөлөө үзүүлнэ. Нийтийн арга хэмжээн дээр найзаараа дамжуулан заяаныхаа ханьтай учирч мэдэх юм. Хайр дурлалын гариг Сугар чамайг өөрөөсөө илүү нэгэнтэй учрахад тусална. Магадгүй ажлын шугамаар холбогдсон хүн чинь зүрх сэтгэлийн холбоо руу хувирна. 10-р сар Нумын ордныхны карьерын хүрээнд онц сайн үйл явдлуудыг авчирна. Эдгээрийг тултал нь ашиглахын тулд чи хөдөлгөөнтэй, эрч хүчтэй байж үр жимсийг нь сайн түүх хэрэгтэй. Өөрсдөө өмнө чинь гараад ирэх боломжуудыг сайн ашигла. Яарах хэрэггүй, гэхдээ зүгээр өнгөрүүлэх бүр ч хэрэггүй. Алсын хараа сайтай томоохон төслийг эхлүүлэхэд тохиромжтой цаг хугацаа бол 10-р сар мөн. Ялангуяа 10-наас эхлээд азын од гийнэ. Учир нь 8-ны өдөр Сугар гариг айлчилж, 9-ний өдөр Буд гариг урагшлах хөдөлгөөн хийж эхлэх нь. Мөн энэ хоёр гаригийн хослол амжилт, алдар нэр, дэмжлэг, хамтын ажиллагаа, ашигтай гэрээ хэлэлцээрийг дууддаг гэдгийг хэлэхгүй өнгөрч болохгүй байх. Бүх од эрхсийн тааллаар чиний бие махбодь эрч хүчтэй байна. Гэхдээ сэтгэл хөдлөлөөсөө болоод жижиг осол бэртэлд өртөх магадлал хэзээд байх тул болгоомжтой байгаарай.

Матрын орд

Матрын ордныхны хувьд 2015 оны 10-р сарын эхний 10 хоног хайр дурлалын хувьд даруу төлөв, болгоомжтой өнгөрөх төлөвтэй байна. Болж байгаа үйл явдлуудад оролцохоос илүү хөндлөнгөөс хараад дүн шинжилгээ хийсэн маягтай байх нь ээ. Хамтрагчийнхаа сэтгэл зүйг судалж, харилцааныхаа гүнд нэвтрэхэд таатай сар. Магадгүй та хоёр бие биетэйгээ нууцлаг, тодорхойгүй, гүн ухаанч сэдвүүдийн талаар ярилцаж, нэгнийгээ өөр талаас нь танин мэдэх боломж тохионо. Харин 10-наас хойш энэ сар илүү хөдөлгөөнтэй, идэвхтэй болж эхлэх нь. Матрын ордныхны хайр дурлалын амьдралыг өргөжүүлэн тэлж, хамтдаа романтик аялалд явж ч мэднэ. 10-р сар бол Матрынхны мэргэжил, нийгмийн хүрээнд чухал сар болж өрнөнө. Энэ бол гэрэлт Наран Матрын ордны карьерийн хэсэг рүү чиглэн ирж байгаатай холбоотой. Гацаад байсан ажлууд үргэлжилж эхлэн, тодорхойгүй ажлууд ойлгомжтой болно. Чи ухаалаг, хийж байгаа юмаа мэддэг өөртөө итгэлтэй, эрх мэдэлтэй, хүндэлмээр хүн гэсэн сэтгэгдлийг бусдад төрүүлнэ. Сэтгэл зүй, оюун ухааны үйл ажиллагаа дээд зэргийн идэвхтэй байх бөгөөд шинжлэх ухааны цол хамгаалах, шагнал авахад тохиромжтой. Бизнесийн аялалууд, гадаад компанитай тогтоох харилцаа холбоо сайнаар эргэнэ. Амжилтын үр дүнд мөнгөн шагналууд ч ирнэ. Эрүүл мэнддээ анхаарал болгоомжтой хандахыг сануулж байна. Ялангуяа эхний 10 хоногт өөрийгөө гаргуунд нь гаргаж болохгүй. Эрч хүчнийхээ тэнцвэрийг хадгал.

Хумхын орд

Хумхын ордныхны хосын харилцааг ивээгч Нар болоод хайр дурлалын адал явдалд дурлагч Буд гаргиудын хүслээр хостой Хумхууд хайртаасаа илүү шинийг санаачлагчид болох бололтой. Хязгаарыг давж, болохгүй болгоныг туршиж үзэх хүсэл чамд төрөх болно. Сэтгэл санаа болоод бие махбодийн хувьд ч ялгаагүй. Хайрттайгаа хамтдаа хувь хүний хөгжил, амьдралын замаа олохтой холбоотой сургалт лекцэд хамрагдаж магадгүй. Эсвэл хилийн чанад руу аялалд ч гарч болох юм. Харин ганц биечүүд гэрээсээ хол зайд байхдаа шинэ хүнтэй танилцана. Ерөнхийдөө 10-р сар Хумхуудын хувьд өөрийгөө болоод хайраа олохтой холбоотой сар болж өнгөрөх төлөвтэй байна. Харин санхүүгийн хувьд энэ сар тун хөдөлгөөнтэй, давшингуй байх болно. Ангараг, Бархасбадь гаргиудын давхцал болоод 10 сарын 8-аас Хумхын ордод шилжиж ирэх Сугар гаргийн нөлөөгөөр ухаалаг шийдвэр гаргаж, гуравдагч дэмжигчийн тусламжтайгаар ихээхэн орлого олно. Банк, даатгал гэх мэт санхүүтэй холбоотой томоохон өөрчлөлт ирж байна. Хэрвээ чи зээл авахаар зэхэж байгаа бол өөрийнхөө төлбөрийн чадварыг бодитоор үнэлж дүгнэх тал дээр сайн анхаараарай. Хэрээс хэтэрсэн зүйлд гарын үсэг зурах хэрэггүй. Тэтгэлэг, санхүүжилт, өв залгамжлал гэх мэт буцааж төлөгдөхгүй тусламж авахад ээлтэй. Сарын турш оюун ухаан, соёл, хууль зүй, зорилгоо тодорхойлох зэрэгтэй холбоотой үйл явдлууд өрнөнө. Хумхынхны эрүүл мэнд энэ сард сайн байх ч сэтгэл санаа тийм ч сайнгүй байх бололтой. Энэ нь стресс, амралтгүй ажиллах, хэтэрхий их бодол болсноос үүдэх учир жижиг зүйлст хэт их анхаарал хандуулах хэрэггүй.

Загасны орд

Ангараг, Бархасбадь,Сугар гаргиудын хослол нь Загасны ордныхны хайр дурлал, хосын харилцаанд шууд нөлөө үзүүлснээр энэ 10-р сар гайхалтай сар болж магадгүй. Энэ хослол нь чамайг маш их эрч хүчтэй болгож бусдыг уруу татах, захирах хүслээр цэнэглэх юм. Мөн ганц бие Загасныхан хайраа олоход таатай нөхцөл бүрдэнэ. Нэг үгээр хэлбэл 10-р сар Загасныханы хувьд дурлалын сар байх ба энэ хугацаанд гайхалтай явдлууд ар араасаа цуварсаар байх болно. Харин ажил мэргэжил болон санхүүгийн хувьд хамтран ажиллах соёл, багийн үйл ажиллагааны сар байх болно. Бархасбадь, Сугар, Ангараг гаргиудын давхцал нь түншлэл, хамтын ажиллагааг ивээснээр танилын хүрээг чинь тэлж өгөх болно. Хамтын ажиллагааны шинэ саналууд гарч ирэх ба үүнийгээ дагаад шинэ хүчирхэг танилуудтай болно. Шинэ санаа гаргах, оролдох бүрт чинь орлого өсч эсвэл бизнес чинь шинэчлэгдэх болно. Энэ сард мөнгө Загасныхны хувьд хамгийн чухал сэдэв байна. Чамд ирэх шинэ боломж шинэ танилуудын туслалцаатайгаар ашиг орлого орж ирэх болно. Өөрөөр хэлбэл хэцүү эсвэл ашиггүй хамтын ажиллагаанууд эцэс болно. Харин эрүүл мэндийн хувьд сэтгэл санаа чинь стресстэй байх нь. Загасныхан бусдад их анхаарал хандуулдаг хэрнээ өөртөө бага анхаарал хандуулдаг сул талтай. Заримдаа бүр өөртөө байгаа бүх эрч хүчээ бусдын асуудлаас болж үрэн таран хийснээр өөрөө сульдаж мэднэ шүү. Тиймээс өөртөө анхаарал хандуулж бага ч гэсэн амраарай.

Сэтгэгдэл

АНХААРУУЛГА: Уншигчдын бичсэн сэтгэгдэлд www.ENE.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Сэтгэгдэлтэй холбоотой санал гомдлыг 9318-5050 утсаар хүлээн авна.