ДАШТ-ийг зохион байгуулах хотын нэр Астанад шилжив
ДБНХ (UWW)-ноос Токиогийн олимпийн наадмын өмнөх жилийн буюу 2019 оны бөхийн төрлүүдийн дэлхийн аварга шалгаруулах тэмцээний эрхийг өнгөрсөн сард Италийн нийслэл Ромд болсон товчооны гишүүдийн хурлаар Казахстаны Алматыд өгсөн билээ. Тэгвэл үл мэдэгдэх шалтгааны улмаас Алматы хотын оронд шинэ нийслэл Астанад ирэх жилийн насанд хүрэгчдийн ДАШТ-ийг зохион байгуулахаар болсон байна. Түүнчлэн тэмцээний товыг албан ёсоор зарлаж, 2019 оны есдүгээр сарын 14-22-ны өдрүүдэд болно. "Астана-2019” ДАШТ-д олимпийн жингүүдэд эхний зургаан байрт орсон тамирчин Токиогийн олимпийн эрх авах юм.
