Жеймс Харден сүүлийн мөчид хаалтыг хийснээр, хагас шигшээд шалгарлаа
NBA-ын талбайд хоёр тоглолт боллоо. Хьюстон Рокетс болон Оклахома Сити Тандер багуудын эхний шатны цувралын 7 дахь тоглолт боллоо. Тоглолт эхнээс Рокетс тэргүүлж байсан эцсийн мөчид Тандер оноог ойртуулж чадсан ч Харден сүүлийн мөчид хамгаалалт сайн хийснээр тоглолтыг 102-104 харьцаагаар Рокетс хожлоо. Улмаар цуврал 4-3 харьцаатай болж Рокетс дараагийн шатанд шалгарлаа. Тэдний хагас шигшээ нь өрсөлдөгч нь Лос Анжелес Лейкэрс бөгөөд тоглолт энэ сарын 5-ны өглөө болно.
Тус тоглолтод Эрик Гордон 21 оноо, Роберт Ковингтон 21 оноо, 10самбар, Харден 17 оноо, 9 дамжуулалт, Рассел Уэстбрүк 20 оноо, 9 дамжуулалтыг гүйцэтгэжээ. Харин эсрэг багаас Дорт 30 оноог авч багаа тэргүүлсэн бол Крис Пол 19 оноо, 11 самбар, 12 дамжуулалтаар трипл дабл хийжээ. Тэрбээр 35 насандаа плэйоффын цувралын 7 дахь тоглолтод трипл дабл хийсэн ахмад тоглогч болжээ. Түүний өмнө Леброн Жеймс 31 насандаа хийж байжээ.
