ТИЙН УНЖЛАГАТ НОХОЙ ЖИЛД НЯЛХАС ХӨГШДӨД ШИРҮҮН, ЗАЛУУСТ АМГАЛАН БАЙХ НИГУУРТАЙ
Ирж буй нохой жил залууст амгалан, нялхас, хөгшдөд ширүүн байх нигууртай аж. Зурхайд Тийн унжлагат хэмээх нохой жилд гэсэн үгийн тодотголд хулгай дээрэм олшрох, ардын эдийг хаад ноёд булаах нигууртай, эд хийгээд үр тарианы үнэ дунд зэрэг хэмээн тэмдэглэжээ. Дөрвөн улирлын эхэн саруудаар хур тунадас багатай, салхи ихтэйдүү байх төлөвтэй гэж буусан байна. Нохой жилд төрсөн хүмүүсийн жил орж байгаа учраас болгоомжлонгуй байх хэрэгтэй.
Ихэнх хүмүүсийн ойлголтоор тухайн жил нь орно гэдэг заавал муу зүйл тохиолдоно гэсэн үг биш гэдгийг Бурхан шашинтны төв Гандантэгчэнлин хийдийн Дашчоймбол дацангийн гэвш лам Б.Цэрэндагва хэлж байв.
