Халуун усанд хэвтвэл хөгшрөлт удааширна
Халуун усанд байнга орж хэвтвэл хөгшрөлтийн үйл явц удааширна гэдгийг Их Британийн эрдэмтэд олж тогтоов. Халуун усанд хэвтвэл хүмүүний бие махбодод сэтгэл хямралын даавар болох кортизолын хэмжээ буурдаг байна. Сэтгэл хямралаас гадна энэ даавар дотуур эрхтний хурдан элэгдлийг үүсгэдэг юм.
Үүний үр дүнд дотоод эрхтэн болон арьс амархан хөгшрөөд зогсохгүй үрчлээтдэг гэнэ. Кортизолтой тэмцэхээс гадна халуун усанд орох нь биеийн бүх хэсгүүдийн цусан хангамжийг сайжруулж, мэдрэлийн тогтолцоог тайвшруулна. Мөн халуун усанд орох нь бидний эрүүл мэндэд тустай эндорфины хэмжээг нэмэгдүүлдэг аж.
