Зөвлөгөө: Өдөр бүр хар чавга идэх нь хүний биед ямар ач тустай вэ

32

Хоол тэжээлийг шингээхэд тус нэмэр болдог, хоол боловсруулах системийн шингээх үйл ажиллагааг сайжруулахад тустай бүтээгдэхүүн бол хар чавга юм. Гэдэсний гүрвэлзэх хөдөлгөөнийг дэмждэг, өтгөн хаталт, илүүдэл жинтэй тэмцэхэд хамгийн үр дүнтэй бөгөөд эрүүл мэндэд тустай антиоксидантыг хамгийн ихээр агуулдаг байна. В амин дэм, ургамлын гаралтай глюкоз, кали, магни, бор зэрэг чухал амин дэмүүд болон эрдэс бодисоор баялаг. Дархлааны систем, ясны үйл ажиллагааг сайжруулахад тустай. Мөн тэжээллэг чанар өндөртэй хатаасан жимс тул глюкозын уусалтыг сайжруулах, холесторинийг бууруулах, зүрхний шигдээс болон хавдарын эсрэг үйлчилгээг дэмжих үйлчилгээтэй.

Хар чавга антиоксидантаар баялаг бөгөөд үүнийг өдөр тутам хүнсэндээ хэрэглэх нь эрхтний хөгшрөлтийг сааруулж, элдэв хавдар үүсэх магадлалыг бууруулдаг.

Хар чавга идэх үед хүний биед дархлаа сайжруулах бодис орж халдварт болон ханиад томуу төст өвчнөөс сэргийлэх, хүний эрхтний гадна орчны таагүй нөлөөг багасгадаг байна. Ардын эмнэлэгт хар чавгаар цэврүү болон бусад ургацыг эмнэхэд хэрэглэнэ. Хар чавгаа халуун, тослог сүүнд хийж долоон минут болгоод гаргаж ирж дундуур нь зүсээд цэврүүн дээр тавина. Чавга хөрөх үед шинээр солих ба ийм байдлаар 10 минут үргэлжилдэг. Өдөр болгон хар чавга хэрэглэх нь чалханд сайнаар нөлөөлөх ба эмэгтэйчүүдийн сарын тэмдгийн өмнөх болох дараах хүндрэлийг хөнгөвчилж өгнө.  

М.Дэлгэр

 

Санал болгох

Сэтгэгдэл

АНХААРУУЛГА: Уншигчдын бичсэн сэтгэгдэлд www.ENE.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Сэтгэгдэлтэй холбоотой санал гомдлыг 9318-5050 утсаар хүлээн авна.