Оюутолгойг шалгах ажлын хэсгийн дүгнэлтийг гишүүд Оюутолгой компанид өгөв үү.
УИХ-ын Эдийн засгийн байнгын хорооны хуралдаанаар Оюутолгой ордыг ашиглах хөрөнгө оруулалтын гэрээний хэрэгжилтийг шалгаж, санал, дүгнэлт гаргах үүрэг бүхий УИХ-ын ажлын хэсгийн мэдээллийг сонсох байсан.
“Оюутолгой ордыг ашиглах хөрөнгө оруулалтын гэрээний хэрэгжилтийг шалгаж, санал, дүгнэлт гаргах үүрэг бүхий” УИХ-ын ажлын хэсгийн явцын мэдээллийг хойшлууллаа. Учир нь, ажлын хэсгийн дүгнэтээс гадна аудитын дүгнэлт, АТГ-аас хийсэн шалгалтын дүгнэлт нууцын зэрэглэлтэйгээр өчигдөр гишүүдэд тараагджээ.
Тиймээс бүх материалтай цогцоор нь танилцаж үзэх шаардлага гэдэг үндэслэлээр хойшлуулж, ирэх долоо хоногт хэлэлцэхээр боллоо. Өөрөөр хэлбэл, Оюутолгойтой холбоотой гурван бичиг баримт байгаагаас хоёр нь нууцын зэрэглэлтэй, нэг нь буюу УИХ-ын ажлын хэсгийн дүгнэлт нь олон нийтэд нээлттэй юм байна.
FACT.MN
