Үнэт металл, чулууны арилжаа эрхлэгчдийг бүртгэлжүүлнэ

435

Монгол Улс өнгөрсөн аравдугаар сард Саарал жагсаалтад ороход гол нөлөөлсөн зүйлсийн нэг нь үнэт металл, үнэт чулууны зах зээл болон үл хөдлөх хөрөнгө зуучлалын үйл ажиллагаа хнялатгүй, зохицуулалтгүй байсан явдал.

Эдгээр салбарын үйл ажиллагааг Санхүүгийн зохицуулах хорооны эрх зүйн байдлын тухай хуульд 2019 оны аравдугаар сарын 10-нд өөрчлөлт оруулахдаа Хороо зохицуулахаар болсон.

Тэгвэл Санхүүгийн зохицуулах хороо эдгээр арилжаа эрхлэгчид, газруудыг бүртгэлжүүлэх, мэдээллийн сан үүсгэх зорилгоор Үндэсний статистикийн хороотой хамтран ажиллах боломжийн талаар ярилцаж, хамтарсан судалгаа хийх ажлыг эхлүүлэхээр болов. Мөн Банкнаас бусад санхүүгийн салбарын статистик мэдээллийг ил тод болгох, сайжруулах чиглэлээр болон үнэн бодитой, зөв судалгаанд үндэслэсэн системтэй мэдээллийн санг бий болгох чиглэлээр хамтран ажиллах юм.

Энэ нь Монгол Улсын Мөнгө угаах, терроризмыг санхүүжүүлэхтэй тэмцэх тогтолцоог сайжруулахад тодорхой хувь нэмэр оруулах чухал ажил бөгөөд уулзалтын үеэр Мөнгө угаах болон терроризмыг санхүүжүүлэхтэй тэмцэх чиглэлээр Хорооноос авч хэрэгжүүлж буй арга хэмжээний талаар Хяналт шалгалт, зохицуулалтын газрын дарга Б.Долгорсүрэн, далд эдийн засгийн хэмжээг тооцож буй талаар Үндэсний статистикийн хорооны Үндэсний тооцоо, шинжилгээ, судалгааны газрын дарга А.Дэмбэрэл мэдээлэл хийж, харилцан санал солилцлоо.  

Уулзалтад Санхүүгийн зохицуулах хорооны дарга Д.Баярсайхан, Үндэсний статистикийн хорооны дарга А.Ариунзаяа болон холбогдох албан тушаалтнууд оролцов.

Санал болгох

Сэтгэгдэл

АНХААРУУЛГА: Уншигчдын бичсэн сэтгэгдэлд www.ENE.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Сэтгэгдэлтэй холбоотой санал гомдлыг 9318-5050 утсаар хүлээн авна.
>
>